IIT Farmagudi: फुस्को बार!! आयआयटी फर्मागुडीमध्ये बँब ठेवल्याची 'ती' अफवाच

फोंडा: फर्मागुडी येथील आयआयटी इमारतीत बँब ठेवल्याचा एक मेल गोवा पोलिसांना आला होता आणि मेल मिळताच पोलिसांनी घटनास्थळी धाव घेतली होती. यानंतर सुरक्षिततेसाठी परिसरात मोठा बंदोबस्त तैनात करण्यात आला होता. तसेच बॉम्ब शोध पथकाला देखील पाचारण करण्यात आले होते.मात्र ही माहिती सपशेल खोटी ठरली आहे. फर्मागुडीच्या आयआयटी इमारतीत कोणत्याही प्रकारचा बँब पोलिसांच्या हाती लागलेला नाही. आयआयटीमध्ये बँब नाही याची खात्री करून घेल्यानांतर मात्र सर्व विद्यार्थ्यांना पुन्हा कॉलेजमध्ये परतायला सांगण्यात आलं.

गोवा पोलिसांना फर्मागुडी आयआयटी इमारतीत बँब ठेवल्याचा एक मेल अज्ञात व्यक्तीकडून प्राप्त झाला होता,ज्यानुसार गोवा, भुवनेश्वर आणि दिल्ली येथील आयआयटी इमारतीत बँब ठेवण्यात आल्याची माहिती मिळाली होती .कोणालाही हानी पोहोचू नये म्हणून पोलिसांकडून आयआयटी इमारत परिसरात मोठा फौजफाटा तैनात करण्यात आला आणि खबदारीचा उपाय म्हणून पोलिसांनी विद्यार्थ्यांना इमारतीतून बाहेर काढले होते.