Bicholim Tree Fire: 200हून अधिक वर्षांचा इतिहास, गावचे वैभव गेले जळून; डिचोली धुमाशेतील दुर्घटना, पहा Video

Dhumase Sateri Temple Tree Fire: अग्निशमन दलाच्या जवानांनी घटनास्थळी धाव घेतली. जवळपास दोन तासाहून अधिक वेळ प्रयत्न करुन दलाच्या जवानांनी आग नियंत्रणात आणली.

डिचोली: डिचोलीतील धुमाशे गावातील श्री सातेरी मंदिराजवळील पुरातन वटवृक्षाला आग लागण्याची घटना घडली. आग वेळीच नियंत्रणात आल्याने या घटनेत कोणताही अनर्थ घडला नसला, तरी दोनशेहून अधिक वर्षांचा इतिहास आणि गावचे वैभव असलेल्या या वटवृक्षाचा अधिकाधिक भाग जळून गेला आहे.

शनिवारी पहाटे वटवृक्षाला आग लागल्याचे स्थानिकांच्या निदर्शनास येताच, डिचोली अग्निशमन दलाला या घटनेची माहिती देण्यात आली. अग्निशमन दलाचे लिडींग फायर फायटर अर्जुन धावस्कर यांच्या नेतृत्वाखाली दलाच्या जवानांनी घटनास्थळी धाव घेतली. जवळपास दोन तासाहून अधिक वेळ प्रयत्न करुन दलाच्या जवानांनी आग नियंत्रणात आणली.

याकामी स्थानिकांनीही मदतकार्य केले. सकाळची वेळ असल्यामुळे आगीचा भडाका उडाला नाही. ही आग नेमकी कशी लागली ते कळू शकली नाही. मात्र काल मध्यरात्री ही आग लागल्याचा अंदाज आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com