Bhoma Old Goa 4-laning: "भोम चौपदरीकरणात एकही घर, मंदिराला धोका नाही" मुख्यमंत्र्यांचे आश्वासन

फोंडा: भोम गावातून जाणाऱ्या नियोजित चौपदरी रस्ता कामात एकही घर किंवा मंदिराला धोका पोचणार नाही, अशी स्पष्ट ग्वाही मुख्यमंत्री डॉ. प्रमोद सावंत यांनी मधलावाडा - भोम येथील नागरिकांना दिली. आज शनिवारी (दि. १९) या गावातील सुमारे पन्नास नागरिक मुख्यमंत्र्यांची भेट घेण्यासाठी साखळी येथे रवींद्र भवनात आले होते. त्यावेळी मुख्यमंत्र्यांनी त्यांना हे आश्वासन दिले.

केंद्रीय रस्ते महामार्ग मंत्रालयाने भोम ते खोर्लीपर्यंतच्या चौपदरी रस्ता बांधकामासाठी १,०६० कोटी रुपये मंजूर केले असून पावसाळ्यानंतर या कामाला प्रारंभ केला जाणार आहे. या कामावेळी सटी देवस्थान तसेच इतर घरांना धोका निर्माण होण्याची भीती ग्रामस्थांत व्यक्त करण्यात येत आहे.