Bethora Road Issue: बेतोडा ते निरंकाळ या रस्त्याच्या दुरवस्थेमुळे वाहतुकीस गैरसोय

राज्यात गेल्या काही दिवसांपासून मुसळधार पाऊस पडत आहे. राज्यातील रस्त्यांची दुर्दशा पुन्हा एकदा चव्हाट्यावर आली आहे. विरोधकांनी रस्त्यांच्या दुर्देशेवरुन सरकारला अनेकदा घेरले मात्र त्याचा काही उपयोग झाला नाही असं दिसतंय. बेतोडा ते निरंकाळ या रस्त्याच्या दुरावस्थेमुळे स्थानिकांना मोठ्या त्रासाचा सामना करावा लागत आहे.

वाहनचालकांना या रस्त्यावरुन वाहन चालवताना तारेवरची कसरत करावी लागत आहे. व्हिडिओमध्ये रस्त्याची दुर्दशा पाहू शकता. इथे वीजखात्याकडून केबलचे काम सुरु असल्याने मोठ्याप्रमाणात खोदकाम करण्यात आले आहे.

रस्ते विभागाने यासंबंधी तात्काळ लक्ष घालावे अशी मागणी स्थानिकांकडून करण्यात येत आहे. रस्त्याच्या दुरावस्थेबाबत संबंधित खात्याशी आपण संपर्क साधणार असल्याची माहिती बेतोड्याच्या संरपंचाकडून सांगण्यात आले आहे.