Goa Theft: टोंक येथील पीडब्ल्यूडी कार्यालयात चोरीचा प्रयत्न; अज्ञाताविरुद्ध गुन्हा दाखल

Tonca Panaji PWD Office Theft Attempt

पणजी: टोंक-पणजी येथील सार्वजनिक बांधकाम खात्याच्या मलनिस्सारण विभाग कार्यालयात रविवारी रात्री चोरट्यांनी खिडकीचे ग्रिल्स मोडून चोरी करण्याचा प्रयत्न केला, मात्र या कार्यालयात चोरट्यांच्या हाती काहीच लागले नाही. या घटनेची नोंद पोलिसांनी करून अज्ञाताविरुद्ध गुन्हा दाखल केला आहे.

पोलिसांनी दिलेल्या माहितीनुसार सोमवारी सकाळी पीडब्ल्यूडीच्या मलनिस्सारण विभागातील कर्मचारी सकाळी कामावर आले असता या कार्यालयाच्या एका खिडकीचे ग्रिल्स मोडण्यात आले होते. तेथील सहाय्यक अभियंत्यांच्या कार्यालयातील सामान अस्तावस्थ पडलेले होते. यावरून चोरट्यांनी चोरीचा प्रयत्न केल्याचे लक्षात आल्याने त्याची माहिती पणजी पोलिसांना देण्यात आली.