Assagao House Demolition: आसगाव घर मोडतोड प्रकरणात मायकल लोबो 'थेटच' बोलले

राज्यात गेल्या काही दिवसांपासून आसगाव घर मोडतोड प्रकरणं चांगलंच गाजत आहे. राज्याचे डीजीपी जसपाल सिंग यांची या प्रकरणात संशयास्पद भूमिका आहे. दुसरीकडे, या प्रकरणावरुन विरोधकांनी सावंत सरकारला घेरले. सातत्याने या प्रकरणावरुन सावंत सरकारला निशाणा बनवले जात आहे. पीडितांना तात्काळ न्याय देण्यात यावा असी मागणी विरोधकांकडून करण्यात येत आहे. त्याचबरोबर या प्रकरणातील दोषींना कडक शिक्षा देण्यात यावी.

15 जुलैपासून सुरु होत विधानसभेच्या पावसाळी अधिवेशनात हे प्रकरण प्रकर्षाने सरकारसमोर मांडू असे विरोधी पक्षनेते युरी आलेमाव यांनी म्हटले आहे. यातच आता, कळंगुटचे आमदार मायकल लोबो यांनी थेट मुख्यमंत्र्यांवर निशाणा साधला. मुख्यमंत्री प्रमोद सावंत या प्रकरणावर पडदा टाकण्याचे काम करत आहेत. ज्या पोलीस कर्मचाऱ्यांना सस्पेंड करण्यात आले त्यांनी आम्हाला वरिष्ठ अधिकाऱ्यांकडून ऑर्डर आल्या होत्या असे सांगितले आहे. मात्र, वरिष्ठ अधिकाऱ्यांना सोडून ज्युनिअर कर्मचाऱ्यांना सस्पेंड करण्यात आले. तात्काळ यासंबंधी योग्य ती कारवाई करण्यात एवढीच आमची मागणी आहे, असे मायकल लोबो म्हणाले.