Assagao Demolition: आसगावातील घर पाडण्यासाठी DGP यांनीच आणला दबाव; हणजूण पोलिसांचा अहवाल

आसगाव येथील आगरवाडेकरांचे घर पाडण्यासाठी पोलिसांवर दबाब होता असा आरोप केला जात होता. याला आता पोलिसांनी देखील दुजोरा दिला असून, मुख्य सचिवांना सादर केलेल्या अहवालातून याबाबत धक्कादायक माहिती समोर आली आहे. गोव्याचे पोलिस महासंचालक जसपाल सिंग यांनीच आसगाव येथील घर पाडण्यासाठी दबाव टाकल्याची धक्कादायक जबानी हणजूण पोलिसांनी सादर केलेल्या अहवालातून देण्यात आली आहे. यामुळे आता पोलिस महासंचालक वादाच्या भोवऱ्यात सापडले आहेत.