'मृतदेह घरी पोहोचवा, क्लब मालकांकडून आर्थिक मदत मिळवून द्या', मृतांच्या मित्रांचा एल्गार

Goa nightclub fire victims: शनिवारी (दि.६) हडफडे येथील नाईट क्लबमध्ये लागलेल्या भीषण आगीत २५ निष्पाप लोकांचा मृत्यू झाला आहे, ज्यात क्लबमध्ये काम करणाऱ्या कर्मचाऱ्यांची संख्या सर्वाधिक आहे. झारखंड, नेपाळ आणि उत्तराखंड येथून आलेल्या २० ते २६ वर्षांदरम्यानच्या तरुण कर्मचाऱ्यांचा यात समावेश आहे.

या मृत कर्मचाऱ्यांच्या गोव्यातील मित्रमंडळींनी सरकारकडे आर्जवी मागणी केली आहे की, किमान त्यांचे मृतदेह सुखरूप त्यांच्या मूळ गावी पोहोचवावेत. तसेच, नाईट क्लबच्या मालकांजवळ मृतांची सर्व माहिती उपलब्ध असतानाही, त्यांनी पीडित कुटुंबांशी संपर्क साधला नाही. त्यामुळे सरकारने या प्रकरणात लक्ष घालून, क्लब मालकांकडून मृत कामगारांच्या कुटुंबियांना आर्थिक मदत मिळवून द्यावी, अशी मागणी त्यांनी केली आहे.