Anjuna Pitbull Attack: ‘पीटबुल’च्या मालकाला पोलिसांकडून अटक

हणजूण येथे पाळीव ‘पीटबुल’ कुत्र्याच्या जीवघेण्या हल्ल्यात सात वर्षीय मुलाचा मृत्यू झाल्याची धक्कादायक घटना घडली होती. याप्रकरणी हणजूण पोलिसांनी शुक्रवारी, कुत्र्याचे मालक अब्दुल कादर ख्वाजा याच्याविरुद्ध सदोष मनुष्यवधाचा गुन्हा नोंदवून त्याला रितसर अटक केली आहे.

पीटबुल जातीच्या या कुत्र्याने पीडित मुलाचा चेहरा, गळ्यावर व मानेवर हल्ला चढवत, अक्षरशः तोंडाची चिरफाड केली होती. ही घटना गुरुवारी (29 ऑगस्ट) सायंकाळी 3.30 वाजता घडली. कुत्र्याने केलेल्या भयंकर हल्ल्यानंतर मुलगा गंभीर जखमी झाला. त्याला गोमेकॉत दाखल केले, परंतु उपचारावेळी त्याचा मृत्यू झाला. प्रभास कळंगुटकर असे या मृत मुलाचे नाव आहे.