Ahmedabad Lawyer Scam: 'थेरपिस्ट' सोबतची गोवा ट्रीप ठरली 'हनिट्रॅप'

सोशल मीडिया आणि इंटरनेटच्या माध्यमातून होणाऱ्या फसवणुकीचे प्रकार दिवसेंदिवस वाढत आहेत. अशाच एका सायबर फसवणुकीचा धक्कादायक प्रकार समोर आला आहे, ज्यात एका अहमदाबादमधील नामांकित वकिलाला तब्बल 20 लाख रुपयांपेक्षा जास्त रक्कम गमवावी लागली आहे. एका तरुणीने स्वतःला 'थेरपिस्ट' असल्याचे भासवून या वकिलाला गोव्याला फिरायला बोलावले आणि तिथे त्यांच्या खासगी क्षणांचे गुपचूप व्हिडिओ रेकॉर्ड करुन त्याला ब्लॅकमेल केले. या प्रकरणी पीडित वकिलाने अहमदाबादच्या एलिसब्रिज पोलीस ठाण्यात तक्रार दाखल केली असून, पोलीस तपास करत आहेत.