Merces Gas Leakage: मेरशीतील स्क्रॅपयार्डांवर कारवाई करुन ते बंद करण्याची मागणी

Merces Panchayat:

बामाणभाट, मेरशी येथे भंगार अड्ड्यात झालेल्या क्लोरिन गॅस गळती प्रकरणात मेरशीच्या ग्रामस्थांनी जुने गोवा पोलिस निरीक्षक यांना पत्र लिहून क्लोरीन सिलिंडर कुठून आला याची सखोल चौकशी करण्याची मागणी केली आहे. मेरशी ग्रामस्थ भंगार अड्डा जमीनदोस्त करण्यासंदर्भात आक्रमक झालेले आहेत. बेकायदेशीररीत्या भंगार अड्डा सुरू असल्याने हा जमीनदोस्त करण्याची मागणी केली जात आहे. तत्पूर्वी मेरशी गाव विकास समितीने मेरशी पंचायतीला पत्र लिहून मेरशी परिसरातील सर्व भंगारअड्डे बंद करण्याची मागणी केली होती. या घटनेतून भंगारअड्डे धोकादायक असल्याचे पुन्हा एकदा सिद्ध झाले आहे. आम्ही वारंवार ग्रामसभा आणि पत्र व्यवहारातून भंगारअड्डे धोकादायक असल्याचा विषय मांडून याचे गांभीर्य पंचायतीच्या लक्षात आणून देण्याचा प्रयत्न केल्याचे पत्रात म्हटले आहे.