पणजी,: गोव्यातून दर आठवड्याला लाखोंची बेकायदा दारू बाहेर जात असल्याचे पकडल्यानंतर कळते. पकडलेल्या मद्यावरून तिची कुठे निर्मिती होते, हे समजते. त्यामुळे त्या मद्य उत्पादन कारखान्यातच अशी बेकायदा दारू वाहतूक अबकारी खात्याकडून पकडली का जात नाही, असा सवाल ‘आप’चे प्रदेशाध्यक्ष अमित पालेकर यांनी केला.
आम आदमी पक्षाच्या कार्यालयात झालेल्या पत्रकार परिषदेत अबकारी खात्याच्या भोंगळ कारभारावर त्यांनी जोरदार टीका केली. ते म्हणाले, हरयाणात सर्वात स्वस्त मद्य मिळते. तेथून गोव्यात आलेली अडीच कोटींचे मद्य पकडल्यानंतर ते कुठे जाणार होते, ही सर्व चालकाकडे माहिती असणार आहे, तरीही त्याविषयी कोणास अटक होत नाही. त्याशिवाय राज्याच्या सीमेवरून बेकायदेशीरपणे दारू वाहतूक करण्यासाठी प्रत्येक पिकअप ट्रकसाठी २५,००० ते २.५ लाख रुपयांपर्यंत लाच दिली जात आहे. साधारण दिवसाला चार ते पाच अवैध ट्रक दारू राज्याबाहेर जात असल्यास रोज दोन कोटींचा अबकारी महसूल बुडत आहे,असा आरोप त्यांनी केला.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.