Stray Cattle in Mayem: पंचायतीमध्ये तक्रार नोंदवून देखील मये येथील भटक्या गुरांचा त्रास कायम

मये येथील लोकांना भटक्या गुरांचा त्रास प्रचंड सतावत आहे. केळबाईवाडा किंवा हळदणवाडीच्या रस्त्यावर विविध ठिकाणी अशी गुरं रस्त्यावर बसलेली आढळतात. रात्रीच्यावेळी रस्त्यात बसलेल्या या गुरांमुळे अनेक वाहन चालकांना त्रास सहन करावा लागतोय, तसेच या गाई-गुरांमुळे डिचोली भागातील अपघातांचा धोका देखील वाढला आहे. मयात जागोजागी आढळणाऱ्या या गुरांनी अनेकांवर हल्ला केल्याची प्रकरणं समोर आली आहेत. ग्रामस्थांनी या विषयी पंचायतीमध्ये तक्रार नोंदवली होती मात्र अद्याप यावर कारवाई केलेली नाही.