Goa Accident: म्हशीने दिली धडक, गावणे येथील ३१ वर्षीय दुचाकी चालकाचा मृत्यू

फोंडा: गावणे येथे रस्त्यावर बसलेल्या म्हशीला दुचाकीची जोरदार ठोकर बसल्याने राजीनवाडा येथील दुचाकीस्वार ठार झाला. हा अपघात शुक्रवारी रात्री घडला.

दीक्षय गुरुदास गावडे (वय ३१ वर्षे) हा दुचाकीस्वार (जीए-०५-क्यू-२११९) या क्रमांकाच्या दुचाकीवरून कोनार-गावणे भागात येत असताना रात्री रस्त्यावर बसलेल्या म्हशीला त्याच्या दुचाकीची जोरदार ठोकर बसली.

या अपघातात दीक्षय याच्या डोक्याला गंभीर दुखापत झाली. त्याला गंभीर जखमी अवस्थेत इस्पितळात उपचारासाठी दाखल करण्यात आले; पण तेथे त्याचा मृत्यू झाला. तो सार्वजनिक बांधकाम खात्यात कामाला होता. फोंडा पोलिसांनी अपघाताचा पंचनामा केला.