पणजी: पाटो-पणजी येथील ‘सोहो’ पबच्या बाहेर सुरक्षारक्षक महिलेचा विनयभंग करून, तिच्‍याशी अश्लील भाषेत बोलून शिवीगाळ करणाऱ्या दोघा पोलिस कॉन्‍स्‍टेबल्‍सना सेवेतून तत्‍काळ निलंबित करण्‍यात आले आहे. ओंकार जाधव व मयूर नाईक अशी या खाकी वर्दीला काळिमा फासणाऱ्या संशयितांची नावे आहेत. विशेष म्‍हणजे गटारी अमावास्या साजरी करण्‍याच्‍या हेतूने त्‍यांनी भरपूर दारू ढोसली होती.
मिळालेल्‍या माहितीनुसार, ही घटना २३ जुलै रोजी रात्री ९.४० वाजता घडली. तक्रारदार पीडित महिला पणजीतील रहिवासी आहे. तिने पणजी पोलिसांत दिलेल्‍या तक्रारीनुसार, ओंकार जाधव व मयूर नाईक या दोघा पोलिस कर्मचाऱ्यांनी ‘सोहो’ पबच्या प्रवेशद्वारावर आपल्‍याशी अश्लील वर्तन केले. ‘कितना पैसा लेती है?’, ‘आती है क्‍या?’ असे विचारून अर्वाच्‍य भाषेत शिवीगाळ केली. तसेच अंगाला स्‍पर्श केला. आपण विरोध करताच त्‍यांनी माझ्‍या डोक्‍यावर मोबाईल मारून जखमी केले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.