अपुन ही भगवान है म्हणणाऱ्या नवाजुद्दीनला का आवडत नाही त्याचे हिट डायलॉग्स?

नवाजुद्दीन सिद्दीकी (Nawazuddin siddiqui) हा अशा अभिनेत्यांपैकी एक आहे ज्याचे चित्रपट पडद्यावर जास्त झळकले नसले तरी त्याच्या डायलॉगने (dialogues) सिनेरसिकांना वेड लावले आहे. त्याने बोललेले संवाद नक्कीच आयकॉनिक बनले आहेत. चित्रपटांमध्ये नवाजने बोललेले असे अनेक संवाद आहेत, जे इतके लोकप्रिय झाले की सोशल मीडियावर त्याचे मीम्सही बनले. आणि लोकांच्या ते ओठांवरही कायम राहिले आहे.

सामान्य जीवनातही आपण अनेकदा नवाजचे डायलॉग बोलून वातावरण लाइट करतो. पण आश्चर्याची गोष्ट म्हणजे खुद्द नवाजुद्दीनला त्याचे लोकप्रिय डायलॉग्स आवडत नाहीत. असा खुलासा नवाजुद्दीनने एका टिव्ही चॅनलशी बोलताना केला आहे.

लोकप्रिय संवाद आवडत नाहीत

आवडत्या डायलॉगचा प्रश्न विचारल्यावर नवाजने अनोखे उत्तर दिले. "माझ्यावर विश्वास ठेवा, माझ्या डायलॉगवर बनवलेले सर्व मीम्स मला कधीच आवडले नाहीत. बाप का दादा का.. अपूनीच भगवान है...मला हे सगळं अजिबात आवडलं नाही. कधी कधी मला असं वाटतं की या सगळ्या संवादांमध्ये मी खूप वाईट काम केलंय म्हणून त्यावर मिम्स तयार झाले आणि ते लोकप्रिय झाले."

दुसरीकडे, नवाज त्याच्या आवडत्या डायलॉगवर म्हणतो, माझा आवडता डायलॉग माझ्या चित्रपटातील आहे. चित्रपटातील शेवटच्या दृश्यात एक लाइन आहे जी नवाज ला आवडते. ती म्हणजे, "देवावर विसंबून राहू नका, काय माहित देव तुमच्या भरवशावर बसला असेल. माझा असा विश्वास आहे की, माणसाने उठून काही काम केले तर देवही त्याला साथ देतो." (भगवान के भरोसे मत बैठो क्या पता भगवान तुम्हारे भरोसे बैठा है. मैं मानता हूं कि बंदा उठकर अगर कोई काम करता है, तो भगवान भी उसी का साथ देता है.)