Vicky Kaushal: विकी कौशलचा सॅम बहाद्दूर हा चित्रपट काही दिवसांपूर्वी थिएटर मध्ये प्रदर्शित झाला होता. बॉक्स ऑफीसवर या चित्रपटाच्या कमाईने मोठा गल्ला जमवला नसला तरी हा चित्रपट अपयशीदेखील ठरला नाही. महत्वाचे म्हणजे, विकीची या चित्रपटातील अभिनयाने प्रेक्षकांचे मन जिंकून घेतले आहे. आता हा चित्रपट ओटीटीवर रिलिज झाला आहे.
ओटीटीवरदेखील चित्रपटाने कमाल केली आहे. विकी जैनचे मोठ्या प्रमाणात कौतुक होताना पाहायला मिळत आहे. चित्रपट पाहिल्यानंतर युजर्सचे म्हणणे आहे की विकी कौशलने अप्रतिम अभिनय केला आहे. संपूर्ण चित्रपट त्याने एकट्याने आपल्या खांद्यावर उचलला असल्याचेदेखील म्हटले आहे. थोडक्यात विकीचा अभिनय हीट ठरला आहे.
सॅम बहादूर हा चित्रपट 26 जानेवारीला OTT प्लॅटफॉर्म ZEE5 वर रिलीज झाला आहे. तेव्हापासून प्रेक्षक चित्रपटाचे आणि विकी कौशलचे कौतुक करत असल्याचे सोशल मिडियावर पाहायला मिळत आहे. मेघना गुलजार दिग्दर्शित 'सॅम बहादूर'मध्ये विकी कौशलने देशातील पहिल्या फिल्ड मार्शल सॅम माणेकशॉची भूमिका साकारली होती. योग्य व्यक्तीरेखा विकीने साकारल्याचे नेटकऱ्यांनी मत व्यक्त केले आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.