विकी दिसुन आला सासुरवाडीत, सनई चौघडे वाजणार का?

बॉलिवूड (Bollywood) स्टार विकी कौशल (Vicky Kaushal) आणि कतरिना कैफ (Katrina Kaif) सध्या त्यांच्या लग्नामुळे चर्चेत आले आहेत. दोघांनीही लग्नाबद्दल अजुन कोणताही खुलासा केलेला नाही, परंतु आता परिवारातील फोटो आणि व्हिडिओ सोशल मीडियावर व्हायरल होत आहेत ज्यावरून हे सिद्ध होत आहे की दोघांच्याही घरी लग्नाची तयारी जोरात सुरू आहे.

विकी कौशलचा एक फोटो काल पासून सोशल मीडियावर चांगलाच व्हायरल होत आहे. हे चित्र 29 नोव्हेंबर 2021 चे आहे. यादरम्यान रात्री विकी कौशल कतरिना कैफच्या घराबाहेर दिसून आला आहे. चित्रात अभिनेता कारमध्ये बसलेला दिसतो. त्याने काळ्या गॉगलसह राखाडी रंगाचा टी-शर्ट आणि फेस मास्क घातला आहे.

यासोबतच दुल्हनिया कतरिना कैफचा आणखी एक व्हिडिओ समोर आला आहे. हा व्हिडिओ कतरिना कैफची आई सुझैनचा यांचा आहे. कतरिना कैफची आई सुझैन टर्कोइस मुंबईत शॉपिंग करताना दिसून आल्या आहेत. कतरिनाच्या आईने फुलांचा लाँग टॉप आणि काळ्या जीन्ससह फेस मास्क घातला आहे.

या अपडेट्सनंतर या कथित लग्नाबद्दल चाहत्यांची उत्सुकता अनेक पटींनी वाढत आहे. कतरिना कैफची मेहंदी, संगीत आणि लग्नाची सर्व माहिती दररोज मीडियामध्ये येत आहे. काही काळापूर्वी एक रिपोर्ट समोर आला होता, ज्यानुसार हे जोडपे राजस्थानमध्ये लग्न करण्यापूर्वी मुंबईत कोर्ट मॅरेज करणार आहेत. मात्र, विकी कैशल आणि कतरिना कैफ अशा बातम्यांवर प्रतिक्रिया देणे टाळत आहेत.