बॉलीवुड अभिनेत्री कतरिना कैफ सध्या विकी कौशलसोबत डेट करत असल्याची चर्चा सोशल मिडियावर सुरू आहे. जरी या दोघांनी त्यांच्या नात्याबद्दल काही खुलासा केलेला नाही. पण त्यांच्या नात्याबद्दलची चर्चा सोशल मिडियावर जोरात सुरू आहे.
एका अहवालानुसार विकी कौशल आणि कतरिना कैफ लवकरच लग्नबंधनात अडकणार आहे. ते दोघे डिसेंबर महिन्यात लग्न करणार अशी चर्चा सोशल मिडीयावर सुरू आहे. त्यांच्या लग्नाची खरेदी सुरू झाली आहे. ते सब्यसाचीने डिझाईन केलेले कपडे परिधान करणार आहे, अशी चर्चा सुरू आहे.
देशातील लॉकडाउन उठल्यानंतर, विकी कौशल 'टायगर 3' शूटिंग दरम्यान कतरिनासोबत दिसला.यापूर्वी त्या दोघांची एंगेजमेंट झाल्याची चर्चा सोशल मिडियावर व्हायरल झाल्या होत्या. पण त्यांनी या चर्चा अफवा असल्याचे सांगितले. कतरिना आणि विकी या दोघांकडे अनेक प्रोजेक्टस आहेत. अॅमेझॉन प्राइम व्हिडिओवर रिलीज झालेल्या शुजित सरकारच्या "सरदार उधम" मध्ये विकी कौशल अखेरचा दिसला होता. 'मसान' या अभिनेत्याने चित्रपटातील अभिनयाने कौतुक केले तो पुढे "सॅम बहादूर", "द ग्रेट इंडियन फॅमिली" आणि "मिस्टर लेले" या चित्रपटांमध्ये दिसणार आहे.तर कतरिना कैफ इशान खट्टर आणि सिद्धांत चतुरवेदि सोबत "फोन भूत" मध्ये मुख्य भूमिकेत दिसणार आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
