कौन बनेगा करोडपती (KBC) 13 च्या भव्य शुक्रवारचा प्रोमो (Promo) रिलीज झाला असून यावेळी शोमध्ये ऑलिम्पिक (Tokyo Olympic) पदक विजेता नीरज चोप्रा (Neeraj Chopra) आणि पी श्रीजेश (Shreejesh) दिसणार आहेत. कौन बनेगा करोडपती मध्ये पुढच्या शुक्रवारी स्पेशल शोमध्ये टोकियो ऑलिम्पिकमधील पदक विजेते असणार आहेत .कौन बनेगा करोडपतीचा हा सीजन 23 ऑगस्ट रोजी सुरू झाला आणि तेव्हापासून बातम्यांमध्ये आहे. फॅन्टास्टिक फ्रायडेचा एपिसोड दर शुक्रवारी प्रसारित होतो. शोचा हा तेरावा सीझन आहे. (Tokyo Olympic Gold medalist Neeraj Chopra in KBC)
काल शुक्रवारच्या एपिसोडमध्ये दीपिका पदुकोण आणि फराह खान या दोघी आल्या होत्या . पुढच्या शुक्रवारच्या एपिसोडमध्ये ऑलिम्पिक पदक विजेते नीरज चोप्रा आणि पी श्रीजेश दिसतील. त्यांनी टोकियो ऑलिम्पिकमध्ये त्यांच्या कामगिरीने मने जिंकली आहेत. शुक्रवारचा पहिला प्रोमो रिलीज झाला असून पी श्रीजेश आणि नीरज चोप्रा त्यात मस्ती करताना दिसत आहेत.
व्हिडीओ शेअर करताना, कौन बनेगा करोडपतीच्या निर्मात्यांनी लिहिले आहे, 'कौन बनेगा करोडपती 13 च्या पुढील शुक्रवारच्या भागात टोकियो ऑलिम्पिक 2020 चा सुवर्णपदक विजेता नीरज चोप्रा आणि पी. राजेश येणार आहेत . 17 सप्टेंबर रात्री 9:00 वाजता हा स्पेशल एपिसोड प्रसारित होणार आहे . या प्रसंगी नीरज चोप्रा अमिताभ बच्चन यांना हरियाणवी शिकवण्याचा प्रयत्न करतील.'
नीरज चोप्राने टोकियो ऑलीम्पिक मध्ये भालाफेक या खेळात सुवर्णपदक पटकावले आहे, तर पी श्रीजेश हा हॉकी संघाचा सदस्य आहे. भारतीय हॉकी संघाने कांस्य पदक पटकावले आहे. यावेळी भारताची कामगिरी ऑलिम्पिक मध्ये खूप चांगली झाली आहे. यामुळे भारताला अनेक पदके देखील मिळाली आहेत. नीरज चोप्राचे पदक जिंकल्यानंतर त्याच्या चाहत्यांची संख्या वाढली आहे.आणि त्यातच हा शो म्हणजे पर्वणीच ठरणार आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
