Tiger 3 Box Office Collection: दिवाळीच्या मुहूर्तावर प्रदर्शित झालेल्या मनीष शर्माच्या टायगर ३ चित्रपटाने पहिल्याच दिवशी मोठा विक्रम केला, तर दुसऱ्या दिवशीही या चित्रपटाने मोठी कमाई केली आहे. दोन दिवसांत या चित्रपटाने देशात १०० कोटींचा आकडा पार केला आहे. 'टायगर 3' दिवाळीच्या दिवशी म्हणजे 12 नोव्हेंबरला रिलीज झाला. त्या दिवशी 44.5 कोटींची कमाई झाली होती, मात्र दुसऱ्या दिवशी कमाई आणखी वाढल्याचे दिसत आहे.
समोर आलेल्या रिपोर्टनुसार, 'टायगर 3' ने दुसऱ्या दिवशी म्हणजेच 13 नोव्हेंबर रोजी अपेक्षेपेक्षा दुप्पट वाढ झाल्याचे पाहायला मिळाले आणि सर्व भाषांमधून 57.52 कोटी रुपये जमा केले. मात्र, चित्रपटाने तेलगू भाषेतून केवळ 87 लाख रुपये आणि तामिळ भाषेतून 22 लाख रुपये कमावले. अशाप्रकारे दोन दिवसांत चित्रपटाचे एकूण कलेक्शन 102.02 कोटी झाले आहे. यामध्ये चित्रपटाने केवळ हिंदी भाषेतून 99.43 कोटींची कमाई केली आहे.
'टायगर 3' मध्ये शाहरुख खान आणि हृतिक रोशनच्या कॅमिओने प्रेक्षकांचे लक्ष वेधून घेतले आहे. खलनायक बनलेल्या इमरान हाश्मीनेही आपल्या जबरदस्त अॅक्टिंगने प्रेक्षकांचे मनोरंजन केले आहे.
चित्रपटगृहांमध्ये या चित्रपटाची प्रचंड क्रेझ दिसून येत असून दिवाळीसारख्या सण असूनदेखील लोक चित्रपट पाहण्यासाठी मोठ्या संख्येने चित्रपटगृहात गर्दी करताना दिसत आहेत. रात्रीच्या शोमध्येही चांगला व्याप दिसून आला. पहिल्या दिवशी हीच परिस्थिती होती. दुसऱ्या दिवशी आणखीनच जबरदस्त क्रेझ पाहायला मिळाली. आता सलमानचा हा चित्रपट आणखी किती कमाई करणार हे पाहणे महत्वाचे ठरणार आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
