'द कपिल शर्मा शो' (The Kapil Sharma Show पुन्हा प्रेक्षकांच्या भेटीला येण्यासाठी सज्ज झाला आहे. या शोचा प्रोमो व्हिडिओ कपिल शर्माने शेअर केला असुन, तो चांगलाच व्हायरल झाल्याचे दिसते आहे. प्रोमो व्हिडीओमध्ये कपिल शर्मा आपल्या संपूर्ण टीमसोबत शोमधील त्यांची सीट पक्की झाल्याचे सांगत आहेत. या प्रोमोमध्ये 'द कपिल शर्मा शो' ची टीम म्हणते की, आम्ही कोरोना लसीचे दोन्ही डोस घेतले आहेत. या कपिल शर्मा शोच्या टीमने लोकांना कोरोना लसीबद्दल जागरूक करण्याचे काम केले आहे. (The promo video of The Kapil Sharma Show is going viral)
देशात सध्या कोरोना महामारीशी लढण्यासाठी लसीकरणावर सरकारने भर दिली असुन हीच बाब ओळखुन ‘द कपिल शर्मा शो’च्या या प्रोमो मध्ये टीमने लसीकरणाबद्दल जनजागृती केली आहे. "आम्ही सर्वांनी कोरोना व्हॅकसिनचे दोन्ही डोस घेतले आहेत. आमचे सीट कनफर्म झाले आहे. आता तुम्ही लोक शक्य तितक्या लवकर दोन्ही डोस घ्या आणि आमच्या शोमध्ये आपले सीट कनफर्म करा." असे आवाहन या व्हिडीओमधुन केल्याचे पहायला मिळते आहे.
प्रोमो व्हिडिओमध्ये कपिल शर्मा व्यतिरीक्त अर्चना पूरन सिंग, भारती सिंग, कृष्णा अभिषेक, चंदन प्रभाकर, किकू शारदा आणि सुदेश लाहिरी हे कलाकार सुद्धा या टीममध्ये दिसुन येता आहेत. कपिलने शेअर केलेला व्हिडिओ काही तासांत 10 लाखाहून अधिक वेळा पाहिला गेला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.