The Kerala Story Day 5 Box-office Collection: 'द केरळ स्टोरी' नं बॉक्स ऑफिसवर पाचव्या दिवशी घेतली भरारी! कमावला इतक्या कोटींचा गल्ला...

या चित्रपटाचा वाद थांबण्याचे नावच घेत नाहीय. पण तरीसुद्धा या चित्रपटाच्या कमाईचे आकडेही दिवसेंदिवस वाढत आहे.
The Kerala Story BO Collection
The Kerala Story BO CollectionDainik Gomantak

The Kerala Story Day 5 Boxoffice Collection::  'द केरळ स्टोरी' हा चित्रपट रिलीज झाल्यावर जास्तच चर्चेत आहे. या चित्रपटाचा वाद थांबण्याचे नावच घेत नाहीय.

पण तरीसुद्धा या चित्रपटाच्या कमाईचे आकडेही दिवसेंदिवस वाढत आहे.

दरम्यान, तामिळनाडू आणि पश्चिम बंगाल सरकारने या चित्रपटाच्या प्रदर्शनावर बंदी आणली आहे.

या चित्रपटावरुन वाद सुरु असुनही हा चित्रपट बॉक्स ऑफिसवर चांगली कमाई करत आहे. अवघ्या पाच दिवसातच या चित्रपटाने बॉक्स ऑफिसवर 50 कोटींचा टप्पा पुर्ण केला आहे.

The Kerala Story BO Collection
Smriti Irani: '...असे राजकीय पक्ष दहशतवाद्यांच्या पाठीशी', केंद्रीय मंत्री स्मृती इराणी यांनी का दिली अशी प्रतिक्रिया

‘द केरळ स्टोरी’ हा चित्रपट 5 मे रोजी प्रदर्शित झाला होता. रिलीजच्या पहिल्याच दिवशी या चित्रपटाने जवळपास 8 कोटींची कमाई केली होती. पहिल्या वीकेंडमध्ये या चित्रपटाने एकूण 35 कोटींची कमाई केली.

सोमवारी देखील या चित्रपटाने 10 ते 11 कोटींची कमाई केली. यानंतर आता या चित्रपटाचे कलेक्शन 46 कोटींवर पोहोचले होते.

मीडिया रिपोर्ट्सनुसार, चित्रपटाने रिलीजच्या पाचव्या दिवशी 11 कोटी कमवत दमदार प्रवास सुरू ठेवला आहे. तसेच, या चित्रपटाने 5 दिवसांत 50 कोटींहून अधिक कमाई केली आहे. अवघ्या 5 दिवसांत या चित्रपटाने मेकिंग बजेट वसूल केले आहे.

'द केरळ स्टोरी' या चित्रपटाचे दिग्दर्शन सुदिप्तो सेन यांनी केले असुन विपुल अमृतलाल शाह यांनी निर्मिती केली आहे. या चित्रपटामध्ये अदा शर्मा, योगिता बिहानी, सोनिया बालानी आणि सिद्धी इदनानी यांच्या मुख्य भूमिका आहेत.

या चित्रपटात अदा शर्मानं शालिनीची भुमिका अत्यंत दमदार पद्धतिने साकरलेली आहे. जी प्रेक्षकांच्या पसंतीस उतरत आहे.आता चित्रपटाच्या नजरा 100 कोटींच्या क्लबकडे लागल्या आहेत. या वीकेंडपर्यंत हा चित्रपट 100 कोटींहून अधिक कमाई करू शकेल, असे बोलले जात आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com