Odisha: भरतनाट्यमचे ज्येष्ठ गुरु श्री गणेशन यांचे निधन झाले आहे. भुवनेश्वर येथे सादरीकरण करत असतानाच ते स्टेजवरच कोसळले. त्यानंतर श्री गणेशन यांना तातडीने दवाखान्यात नेण्यात आले मात्र डॉक्टरांनी त्यांना मृत घोषित केले.
श्री गणेशन हे मूळचे मलेशियाचे रहिवासी असून त्यांचे वय 60 वर्षे होते. भरतनाट्यमच्या सादरीकरणासाठी ते भारतात आले होते. परंतु भुवनेश्वर येथे 'गीत गोविंद' यावर आपले नृत्य सादर करत करतानाच त्यांचा मृत्यू झाला.
आयोजकांनी दिलेल्या माहीतीनुसार, भरतनाट्यमच्या सादरीकरणापर्यत त्यांची प्रकृती उत्तम होती. डॉक्टरांच्या माहीतीनुसार, श्री गणेशन यांचा मृत्यू ह्रदयविकाराच्या झटक्याने झाला आहे. त्यांच्या मृत्यूनंतर संपूर्ण मनोरंजन विश्वातून हळहळ व्यक्त केली जात आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.