Teja Sajja: '... तर माझी दृष्टी कायमची गेली असती,' तेजा सज्जाने केला मोठा खुलासा

Teja Sajja: सध्या हनुमान हा चित्रपट बॉक्स ऑफीसवर चांगलीच कमाई करताना दिसत आहे. आता या चित्रपटाच्या शूटिंगदरम्यानची एक घटना समोर आली आहे. तेजा सज्जा या चित्रपटात मुख्य भूमिकेत पाहायला मिळाले आहे.

एका मुलाखतीदरम्यान, अभिनेत्याने हा खुलासा केला आहे की,त्याने त्याच्या पात्रासाठी लाल लेन्स वापरला, ज्यामुळे त्याच्या कॉर्नियावर ओरखडे आले. डोळ्यांना हानी पोहोचवणारी धूळ आणि छोटे दगडही भरपूर होते. तेजा म्हणाला की ते खूप वेदनादायक होते. दृष्टीला इजा पोहचण्याचीदेखील शक्यता होती. परंतु डोळ्याला कोणतीही हानी पोहचण्याआधीच त्यावर शस्त्रक्रिया करण्यात आली. तो पुढे असे म्हणतो की, अनेक आव्हाने असूनही चित्रपटाच्या शूटचा प्रत्येक मिनिट आवडत असल्याचे म्हटले आहे. हा चित्रपट प्रेम, कष्ट आणि प्रामाणिकपणाचं फळ असल्याचं तेजाने म्हटले आहे.

चित्रपटाच्या बॉक्स-ऑफिस यशाबद्दल बोलताना, तेजाने खुलासा केला की चित्रपटाने 100 कोटी रुपये आधीच ओलांडले आहेत आणि अजूनही हा चित्रपट बॉक्स ऑफीसवर चांगली कमाई करताना दिसत आहे.

या मुलाखतीदरम्यान, तेजा म्हणाला की त्याचा पूर्वीही देवावर विश्वास होता पण 'हनुमान' चित्रपटाच्या शूटिंगमुळे त्याचा देवावरील विश्वास आणखी दृढ झाला आहे. आयुष्याच्या प्रत्येक टप्प्यावर देवाने साथ दिल्याचे त्याने सांगितले. दिग्दर्शक प्रशांत वर्मा यांनी 'हनुमान' चित्रपटाद्वारे सुपरहिरोच्या विश्वात पहिले पाऊल ठेवले आहे. 'मेरी ख्रिसमस' आणि 'गुंटूर करम' सारख्या मोठ्या चित्रपटांशी टक्कर असूनही, हा चित्रपट जगभरातील अनेक चित्रपटगृहांमध्ये चांगली कमाई करत आहे.