बॉलिवूडची (Bollywood) लोकप्रिय अभिनेत्री तब्बू (Tabu) आज तिचा 51 वा वाढदिवस साजरा करत आहे. तीचा जन्म 4 नोव्हेंबर 1970 रोजी हैदराबादमधील मुस्लिम कुटुंबात झाला होता. 90 च्या दशकापासून या अभिनेत्री तिच्या उत्कृष्ट अभिनयाने रसिकांचे खूप मनोरंजन केले. 90च्या दशकात तब्बूची सिने अदाकारी पडद्यावर जोरदार गाजली. दिसायला इतकी सुंदर असूनही तब्बू अजूनही अविवाहित आहे.
तब्बूने लहानपणापासूनच चित्रपटांमध्ये काम करायला सुरुवात केली होती. अभिनेत्रीला पहिली संधी देव आनंदने 'हम नौजवान'मधून दिली होती. त्यावेळी तब्बू अवघ्या 14 वर्षांची होती आणि तिने बलात्कार पीडितेची भूमिका साकारली होती. तेव्हा तीचा अभिनय खूप प्रेक्षकांना खूप आवडला होता.
तब्बूने 1991 च्या कुली नं. 1 या तेलगू चित्रपटातून अपोजिट अभिनेत्री म्हणून तिच्या करिअरची सुरुवात केली. या अभिनेत्रीचा पहिला बॉलिवूड डेब्यू चित्रपट काही विशेष ठरू शकला नाही. यानंतर अभिनेत्रीने अजय देवगणसोबत 'विजयपथ'मध्ये काम केले. आणि हा चित्रपट खूप गाजला. आपल्या कारकिर्दीत तब्बूने बीवी नंबर 1, हुतुतू, हेरा फेरी, मकबूल, चीनी कम, हैदर, दे दे प्यार दे, भूल भुलैया 2 यासह अनेक चित्रपटांमध्ये काम केले आहे.
अजूनही सिंगल असल्याचे कारण अजय देवगण
तब्बू दिसायला सुंदर आणि करिअरमध्ये सक्सेस असूनही ती सिंगल आहे. अभिनेत्रीने तिच्या मुलाखतीत सांगितले की, अजय देवगणमुळेच मी आजपर्यंत सिंगल आहे. तब्बू म्हणाली होती, माझे चुलत भाऊ समीर आणि आर्य अजय देवगणचे शेजारी होते. दोघेही माझ्यावर लक्ष ठेवून माझा पाठलाग करायचे. कोणीही मुलगा माझ्या जवळ आला तर दोघेही त्याला मारहाण करायचे. अजय माझा खूप चांगला मित्र आहे आणि आम्ही दोघांनी अनेक चित्रपटांमध्ये एकत्र काम केले आहे. तो माझा एक खूप चांगला प्रोटेक्टिव मित्र आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
