RRR चा डंका! राम चरण आणि ज्युनियर एनटीआर सर्वोत्कृष्ट अभिनेत्यासाठी नामांकन..

RRR: एसएस राजामौली यांच्या 'आरआरआर' या चित्रपट येऊन बराच काळ होऊन गेला तरी आजही हा चित्रपट चर्चेत असतो. आरआरआरमधील नाटू नाटू या गाण्याला ग्लोब अवॉर्ड मिळाला होता. ऑस्करमध्येही आरआरने आपले वर्चस्व टिकून ठेवले आहे.

ऑस्कर-2023 मध्ये 'बेस्ट ओरिजनल स्कोर' श्रेणीमध्ये आरआरआरला नामांकनही मिळाले आहे. आता ज्युनियर एनटीआर आणि राम चरण यांना क्रिटिक्स चॉईस सुपर अवॉर्ड( Award)मध्ये सर्वोत्कृष्ट अभिनेत्याच्या श्रेणीत नामांकन मिळालं आहे. महत्वाचं म्हणजे टॉम क्रूझ आणि ब्रॅड पिट या दिग्गज अभिनेत्यांचीदेखील या श्रेणीत निवड झाली आहे.

दरम्यान, गुरुवारी क्रिटिक्स चॉईस अवॉर्ड्सची नामांकनं जाहीर करण्यात आली असून 'टॉप गन: मेवरिक' साठी टॉम क्रूझ आणि 'बुलेट ट्रेन' साठी ब्रॅड पिट यांनाही सर्वोत्कृष्ट अभिनेत्यासाठी नामांकन मिळाले आहे. आता सर्वोत्कृष्ट अभिनेत्याचा पुरस्कार कोण पटकावणार हे पाहणे महत्वाचे ठरणार आहे.