Nayanthara: 2023 मध्ये म्हणजेच यावर्षी ज्या चित्रपटांनी बॉक्स ऑफीसवर धुमाकूळ घातला त्यापैकी एक म्हणजे शाहरुखचा जवान चित्रपट आहे. आजही हा चित्रपट चर्चांचा भाग आहे. आता चित्रपटात मुख्य नायिकेच्या भूमिकेत दिसून आलेली दाक्षिणात्य अभिनेत्री नयनतारा चर्चेत आली आहे.
समोर आलेल्या माहीतीनुसार, जवानमध्ये नयनताराचा रोल छोटा करुन दीपीकाला भूमिका देण्यात आली आणि त्यामुळे चित्रपटाचे क्रेडिट दीपिकाला देण्यात आल्याने नयनतारा आणि तिचे चाहते नाराज असल्याचे म्हटले जात आहे. आता यामुळेच नयनतारा हिंदी चित्रपटसृष्टीत काम करणार नसल्याचे म्हटले जात आहे. ती इथून पुढे फक्त दाक्षिणात्य चित्रपटात काम करणार असल्याची माहीती समोर आले आहे.
नयनतारा ही दक्षिणेतील प्रसिद्ध अभिनेत्री आहे. तिला 'लेडी सुपरस्टार' म्हणतात. रजनीकांतची जशी क्रेझ आहे तशीच क्रेझ नयनतारासाठीही आहे. नयनताराने अॅटलीच्या 'जवान' चित्रपटातून बॉलिवूडमध्ये पदार्पण केले. तिने शाहरुख खानची पत्नी नर्मदाची भूमिका साकारली होती.
रिपोर्ट्सनुसार, नयनताराने आता ठरवले आहे की ती फक्त साऊथ इंडस्ट्रीत काम करणार आहे. आता ती बॉलिवूडचा कोणताही चित्रपट करणार नाही. अशी माहिती आहे की नयनतारा संजय लीला भन्साळी यांच्या ऑफिसबाहेर स्पॉट झाली होती, त्यानंतर ती भन्साळींच्या चित्रपटात दिसणार असल्याची चर्चा सुरू झाली होती. 'बैजू बावरा' संदर्भात दोघांमध्ये चर्चा सुरू होती.
नयनतारा आगामी 'इरायवन' या तमिळ चित्रपटात दिसणार आहे. या सिनेमासाठी नयनताराने 10 कोटी रुपये फी घेतल्याचे बोलले जात आहे. 'जवान'साठीही त्यांनी तेवढीच रक्कम घेतली होती.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
