बॉलिवूड अभिनेत्री सोनाक्षी सिन्हा (Sonakshi Sinha) आणि हुमा कुरेशी (Huma Qureshi) सध्या त्यांच्या 'डबल एक्सएल' चित्रपटामुळे चर्चेत आहेत. दोन्ही अभिनेत्री पहिल्यांदाच एकत्र काम करत आहेत. याच चित्रपटामधून क्रिकेटर शिखर धवन (Shikhar Dhawan) देखील बॉलिवूड (Bollywood) पदार्पण करणार आहे. त्यामुळे सध्या डबल एक्सएल चित्रपटाची सगळी चर्चा होत आहे.
'डबल एक्सएल' सिनेमाची बॉक्स ऑफिसवर फोन भूत या कतरिना कैफच्या चित्रपटाशी टक्कर होणार आहे. 'डबल एक्सएल' चित्रपटाचा ट्रेलर नुकताच प्रदर्शित झाला आहे. प्लस-साईज असलेल्या महिलांना दैनंदिन जीवनात बॉडी शेमिंगचा सामना लागतो, याचवरून दोघींची मैत्री होते. 'डबल एक्सएल' चित्रपट फॅट फोबिया या नाजूक विषयाला अतिशय हलक्याफुलक्या पद्धतीने मांडताना दिसत आहे. ट्रेलरची सुरुवात हुमा कुरेशीच्या शिखर धवनला भेटण्याच्या स्वप्नाने होते, जे स्वप्न तिची आई उद्धवस्त करते. सध्या या चित्रपटाचा ट्रेलर नेटवर धुमाकूळ घालत आहे.
तसेच, सोनाक्षी सिन्हा या चित्रपटात एक फॅशन डिझायनरचे काम करत असून, ती तिचे स्वप्न पूर्ण करण्याचा प्रयत्न करत आहे. पण लठ्ठपणाच्या समस्येमुळे तिला अनेक समस्यांचा सामना करावा लागत आहे.सोनाक्षी सिन्हा आणि हुमा कुरेशी यांची मैत्री होते आणि दोघेही लंडनला जातात.
या चित्रपटासाठी सोनाक्षी सिन्हा आणि हुमा कुरेशी यांनी 15 ते 20 किलो वजन वाढवले आहे. भारत आणि यूकेमध्ये मोठ्या प्रमाणावर शूट केलेला 'डबल एक्सएल' अधिक वजन असलेल्या महिलांची कथेवर भाष्य करतो.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.