Sonakshi Sinha: 'अभिनय नाही तर सोनाक्षी हाऊसवाइफ चागंली होऊ शकते,' असं का म्हणाली करिना?

Sonakshi Sinha: बॉलीवूडमध्ये असे काही सितारे आहेत जे फक्त आपल्या उत्तम अभिनय, हिट चित्रपट आणि अप्रतिम सौंदर्यासाठी ओळखेले जात नाहीत तर आपल्या वक्तव्यासाठीदेखील चर्चेत असतात. आता करीना कपूरचा एक जूना व्हिडिओ सोशल मिडियावर पून्हा व्हायरल होताना दिसत आहे.

कॉफी विथ करण या टॉक शो मध्ये जेव्हा करिना कपूरने हजेरी लावली होती. त्यावेळी करण जौहरने करिना कपूरला ती सोनाक्षी सिन्हाला अभिनय क्षेत्रात बघत नाही तर कोणते करिअरचे क्षेत्र तिच्यासाठी योग्य असेल अथवा सोनाक्षीचे अल्टरनेट करिअर कोणते असेल असा प्रश्न विचारला असता करिनाने सोनाक्षीला हाऊस वाइफच्या रुपात पाहत असल्याचे म्हटले होते.

त्यानंतर याच कॉफी विथ करण शोमध्ये शाहिद कपूर आणि सोनाक्षी सिन्हा जेव्हा कॉफी विथ करण शोमध्ये गेल्यानंतर करणने हा मुद्दा उपस्थित केला होता. तेव्हा सोनाक्षी ऐवजी शाहीद कपूरने या प्रश्नाला उत्तर दिले आहे. सोनाक्षी हाऊसवाइफचे काम करण्याशिवाय बाकी इतर बरेच काही करु शकते. त्यावेळी सोनाक्षीने शाहीदच्या उत्तरात हामी भरली होती. शाहीद कपूरच्या या उत्तराने करण जौहरदेखील हैराण दिसून आला होता.

दरम्यान, करीना कपूर आणि शाहीद कपूर यांचे नाते मोठ्या चर्चेत होते. 'जब वी मेट' या त्यांच्या प्रसिद्ध चित्रपटानंतर त्यांचे ब्रेकअप झाल्याचे म्हटले जाते. त्याचबरोबर 'आर राजकुमार' या सोनाक्षी सिन्हा आणि शाहीद कपूर यांची मुख्य भूमिका असलेल्या चित्रपटाच्या शूटिंगदरम्यान या दोघांच्या नात्याची देखील चर्चा रंगली होती. मात्र दोघांकडूनही अधिकृतरित्या यावर कोणतेही भाष्य करण्यात आले नव्हते.