प्रसिद्ध गायक सिद्धू मूसवाला (Sidhu Moose Wala) यांचा दिवसाढवळ्या गोळ्या झाडून गुंडांनी हत्या केली आहे. पंजाबमधील मानसा जिल्ह्यात ही भीषण घटना घडली होती. 28 वर्षीय सिद्धू मुसेवाला यांच्या निधनाची बातमी समजताच मनोरंजन विश्वात आजही शोककळेचे दृश्य आहे. सिद्धू मुसेवाला यांच्या हत्येनंतर सर्वांनाच धक्का बसला. (Sidhu Moose Wala shot dead LIVE UPDATES Mika Singh says I am ashamed to call myself Punjabi)
सरकारने सुरक्षा काढून घेतल्याच्या 24 तासांच्या कमी कालावधीनंतर, गायक-राजकारणी बनलेल्या सिद्धू मूसवाला यांची पंजाबमधील मानसा येथील त्यांच्या मूळ गावाजवळ गुंडांनी गोळ्या घालून हत्या केली होती. मुसेवाला यांनी 20 फेब्रुवारीच्या विधानसभा निवडणुकीसाठी () मानसातून काँग्रेसचे उमेदवार म्हणून निवडणूकत पदार्पण केले होते. तर तो मूळचा मुसा गावचा होता.
'मला स्वतःला पंजाबी म्हणवायला आता लाज वाटते'
सिद्धू मुसेवालाच्या हत्येने सर्वांनाच धक्का बसला असून, सेलिब्रिटी सतत त्यावर सोशल मीडियावर प्रतिक्रिया देत आहेत. प्रसिद्ध गायक मिका सिंगने (Mika Singh) सिद्धू मुसेवाला यांच्या हत्येबद्दल शोक व्यक्त केला. मिकाने लिहिले आहे की, 'मी नेहमी म्हणतो की मला पंजाबी असल्याचा अभिमान आहे, पण आज मला ते सांगायला ही लाज वाटते आहे.'
मुसेवाला कोणी मारला?
पंजाबमधील गायक आणि काँग्रेस नेते सिद्धू मूसवाला यांच्या हत्येचा तपास करण्यासाठी एसआयटीची स्थापना करण्यात आली. मुसेवाला कोणी मारला? खुनाचे कारण काय? या प्रश्नांची उत्तरे शोधण्यासाठी पंजाब पोलिसांनी 3 सदस्यीय विशेष तपास पथक (एसआयटी) स्थापन केली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
