बिग बॉस फेम सिध्दार्थ शुक्लाचं निधन

बिग बॉस फेम सिध्दार्थ शुक्लाचं (Siddhartha Shukla) निधनामुळे बॉलिवूडमध्ये हळहळ व्यक्त केली जात आहे. एवढ्या कमी वयामध्ये या नवोदित अभिनेत्याच्या निधनामुळे बॉलिवूडवर शोककळा पसरली आहे. ह्रदयविकाराच्या झटक्याने त्याचे निधन झाल्याचे प्रथमदर्शनी सांगण्यात येत आहे.

बहुचर्चित टीव्ही आणि चित्रपट अभिनेता सिद्धार्थ शुक्ला,जोअनेक काळ चालणाऱ्या टीव्ही शो "बालिका वधू" मधील त्याच्या भूमिकेसाठी प्रसिद्ध आहे, त्याचबरोबर बिग बॉसच्या १३ वे सीजन आपल्या अनोख्या गेमने गाजवत ज्याने हा खिताब आपल्या नावावर केला होता मात्र आज जीवनाच्या पटलावर तो हरला आणि वयाच्या 40 व्या वर्षी त्याने अखेरचा श्वास घेतला आहे.

सिद्धार्थ शुक्ल नेट वर्थ

Caknowledge.com च्या मते, दिवंगत अभिनेता सिद्धार्थ शुक्लाची नेट वर्थ चांगली होती. 2020 पर्यंत सिड ची निव्वळ संपत्ती $ 1.5 दशलक्ष होती, जी 11 कोटी रुपयांच्या वर होती. आणि विशेष म्हणजे टीव्ही अभिनेत्यासाठी ही रक्कम मोठी असल्याचे म्हटले जाते. सिद्धार्थ शुक्लाला ही कमाई टीव्ही शो आणि मोठ्या ब्रँडच्या जाहिरातींमधून मिळत होती. सिद्धार्थ जेवढी कमाई करत होता तेवढ्याच प्रमाणात तो दानधर्मही करत होता. सिद्धार्थ सामाजिक कार्यात उत्स्फूर्तपणे भाग घेत असे.

अभिनेत्याचे घर आणि वाहने

सिद्धार्थचे मुंबईत एक घर होते, जिथे तो आपल्या कुटुंबासोबत राहत होता, त्याने हे घर नुकतेच विकत घेतले आहे. सिध्दार्थला वाहनांची खूप आवड होती. त्याच्याकडे BMW X5 तसेच हार्ले-डेव्हिडसन फॅट बॉब मोटरसायकल आहे. सिद्धार्थ साधेपणाने जीवन जगत असे. बिग बॉस 13 जिंकल्यानंतर तो खूप लोकप्रिय झाला होता. अलीकडेच सिध्दार्थने डिजिटल पदार्पण केले होते. सिद्धार्थला डिजिटल पदार्पणानंतर बरीच प्रशंसा मिळाली होती. बिग बॉस जिंकल्यानंतर सिध्दार्थला नवी ओळख मिळाली होती.