शिल्पा शेट्टीची आई जुहू पोलिस ठाण्यात;पाहा काय आहे प्रकरण

राज कुंद्रा (Raj Kundra) पॉर्नोग्राफी प्रकरणात (Raj Kundra Phonography Case) अभिनेत्री शिल्पा शेट्टी (Shilpa Shetty) आणि तिच्या व्यवसायातील साथीदाराची नावे समोर आल्यानंतर आता तिची आई सुनंदा शेट्टी (Sunanda Shetty) यांनी फसवणूकीच्या प्रकरणात एफआयआर दाखल केला आहे. जुहू पोलिस स्टेशनमध्ये सुनंदा शेट्टी यांनी जमीन घोटाळ्याच्या प्रकरणात फिर्याद दिली आहे. सुनंदाचे तार राज कुंद्रा अश्लील प्रकरणात देखील जोडले गेले आहेत. ती सप्टेंबर 2020 पर्यंत कुंद्राच्या एका कंपनीत डायरेक्टर म्हणूनही कार्यरत असल्याचे चौकशीत समोर आले आहे. (Shilpa Shetty's mother Sunanda Shetty lodged an FIR at Juhu Police Station)

मालमत्ता फसवणूकीशी संबंधित हे प्रकरण रायगडमधील एका जमीनीशी संबंधित आहे. प्राप्त माहितीनुसार सुनंदा शेट्टी यांनी सन 2019 मध्ये रायगडच्या कर्जत येथे जमीन व बंगला खरेदी केला होता. ही जमीन तिने सुधाकर नावाच्या व्यक्तीकडून विकत घेतली होती. मात्र, ही जमीन व बंगला कधीही सुधाकरचा नसल्याचे तपासणीत उघड झाले आहे. जेव्हा सुनंदाने सुधाकर यांना पैसे परत करण्यास सांगितले तेव्हा त्याने परत देण्यास नकार दिला होता. यानंतर सुनंदाने कोर्टात धाव घेतली होती. आता या प्रकरणात न्यायालयाच्या आदेशानंतर फसवणुकीची तक्रार नोंदवण्यात आली आहे.

शिल्पा शेट्टी देखील आहे अडचणीत

दुसरीकडे, राज कुंद्रा अश्लीलता प्रकरणातही मुंबई गुन्हे शाखेने नवीन पुरावे मिळाल्यानंतर शिल्पा शेट्टीला क्लीन चिट देण्यास नकार दिला आहे. सध्या या प्रकरणाशी सुनंदा शेट्टीचा थेट संबंध असल्याचे कोणतेही ठोस पुरावे नाहीत, परंतु तपासात हेही समोर आले आहे की अभिनेत्री शिल्पा शेट्टीची आई सुनंदा सुरेंद्र शेट्टी देखील सप्टेंबर 2020 पर्यंत राज कुंद्राच्या कंपनीत दिग्दर्शक पदावर होती. काही महिन्यांपूर्वी शिल्पा शेट्टी पती कुंद्राच्या कंपनी जेएल स्ट्रीमची जाहिरात करत होती. ही अशी कंपनी आहे ज्यावर अश्लील सामग्री तयार केल्याचा आरोप आहे.

शिल्पा शेट्टीची चौकशी करण्यासाठी गुन्हे शाखा पुन्हा एकदा तयारी करत आहे. राज कुंद्रा यांचे पीएनबी (PNB) बँकेत संयुक्त खाते, राज कुंद्राच्या कार्यालयात सापडलेल्या गुप्त कपाटातील कागदपत्रे आणि शिल्पाच्या नावाने खरेदी केलेल्या कोट्यवधी रुपयांची मालमत्ता संशयाखाली आहे. शिल्पाने या पोर्नोग्राफी रॅकेटबद्दलची माहिती नाकारली आहे, परंतु त्यातून मिळणारी कमाई केवळ तिच्या खात्यात येत-जात नव्हती तर तिच्यामार्फत तिच्या स्वाक्षर्‍या क्रिप्टो चलन व इतर मालमत्तांच्या गुंतवणूकीशी संबंधित कागदपत्रांवर आढळून आल्या आहेत.