Shilpa Shetty Viral Dance Video: शिल्पा शेट्टीचा एक डान्स व्हिडिओ सोशल मिडियावर व्हायरल होत आहे. या व्हायरल व्हिडिओमध्ये ‘महाराष्ट्र शाहीर’ चित्रपटातील ‘बहरला हा मधुमास नवा...’ या गाण्यावर थिरकतांना दिसत आहे.
सर्वसामान्यांपासून ते सेलिब्रिटींपर्यंत अनेकजण या गाण्यावर रिल्स तयार करुन सोशल मिडियावर शेअर करताना दिसत आहेत. या गाण्याची अक्षरश: सातासमुद्रापार क्रेझ पाहायला मिळत आहे.
शिल्पा शेट्टी ही सोशल मीडियावर नेहमीच सक्रिय असते. ती सतत तिचे व्हिडीओ आणि फोटो सोशल मिडियावर शेअर करत असते. शिल्पाने काही तासांपुर्वीच अभिनेता अंकुश चौधरी महत्त्वाच्या भूमिकेत असणाऱ्या ‘महाराष्ट्र शाहीर’ या चित्रपटातील “बहरला हा मधुमास नवा” या गाण्याची हूक स्टेप केली आहे. सोशल मीडियावर शिल्पाचा हा व्हिडीओ चांगलाच व्हायरल होत आहे.
शिल्पाने हा व्हिडिओ तिच्या इन्स्टाग्राम अकाऊंटवर शेअर केला आहे. “बहरला हा मधुमास नवा” असे कॅप्शन या व्हिडिओला दिले आहे. तिच्या चाहत्यांनी या व्हिडिओवर लाइक्स आणि कमेंटचा वर्षाव केला आहे. एका यूजरने किती आनंद घेत डान्स करत आहे असे म्हटले आहे. तर दुसऱ्या एका यूजरने तिचे कौतुक केले आहे.
‘महाराष्ट्र शाहीर’ हा चित्रपट 28 एप्रिल रोजी रिलीज झाला आहे. शाहीर साबळे यांच्या जीवनावर हा चित्रपट आधारित आहे. या चित्रपटाचे दिग्दर्शन केदार शिंदे यांनी केले आहे. अभिनेता अंकुश चौधरी याने या चित्रपटात शाहीर साबळे यांची भूमिका साकारली आहे. सना शिंदे व अश्विनी महांगडे या चित्रपटात मुख्य भुमिका साकारली आहे. या चित्रपटाने बॉक्स ऑफिसवर चांगली कमाई देखील केली आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
