Sheezan Khan: खतरों के खिलाडी हा टीव्ही शो प्रेक्षकांच्या आवडत्या कार्यक्रमापैकी एक आहे. आता या कार्यक्रमाच्या निमित्ताने शिझान खान पून्हा एकदा चर्चेत आला आहे. सहकलाकार आणि चांगली मैत्रीण तुनिषा शर्मा हिने आत्महत्या केल्यानंतर त्याला अटक करण्यात आली होती.
आता एका मुलाखतीदरम्यान, शिझान खानने तुनिषाच्या मृत्यूनंतर त्याला कशाचा सामना करावा लागला हे सांगितले आहे. तो म्हणतो, तुनिषा माझ्या आयुष्याचा महत्वाचा भाग होती. तिच्या जाण्याने माझ्या आयुष्यात कायमची एक पोकळी निर्माण झाली आहे. ती जर आता इथे असती तर माझा आधार बनली असती.
तुनिषा माझ्यासाठी नेहमीच टुन्नु या घटनेनंतर मी ज्यांना जवळचे मानत होतो त्यांनी कोणतीही शहानिशा न करता माझ्याशी बोलणे बंद केले. माझ्या कुटुंबाला त्यांची कोणतीही चूक नसताना वाईट वागणूक दिली गेली. त्यांच्यावर चूकीचे आरोप केले गेले. ते माझ्यासाठी अत्यंत क्लेशदायक होते.
मी जामीनावर सुटुन माझ्या घरी परतलो तेव्हा मला माझेच घर अनोळखी वाटत होते. त्यानंतर ७० दिवस मी स्वस्थपणे झोपू शकलो नाही. या सगळ्याचा सामना करण्यासाठी मला वैद्यकीय उपचारांचा आधार घ्यावा लागला असे म्हणत शीझान खानने आपल्या भावना व्यक्त केला आहे. मात्र आपले कुटुंब, वकील आणि न्यायव्यवस्थेवर पूर्ण विश्वास असल्याचेही शीझान खानने म्हटले आहे.
टीव्ही अभिनेत्री तुनिषा शर्मा 24 डिसेंबर 2022 रोजी पालघर जिल्ह्यातील वसई येथे एका मालिकेच्या सेटवर मृतावस्थेत आढळून आली होती. दरम्यान, तुनिषाची आई वनिता शर्मा यांच्या तक्रारीच्या आधारे पोलिसांनी शीजानविरुद्ध एफआयआर नोंदवून त्याला अटक केली.
पोलिसांनी दिलेल्या माहीतीनुसार, दोघे रिलेशनशिपमध्ये होते आणि तुनिषाच्या आत्महत्येच्या १५ दिवस आधी हे नाते तुटले. ब्रेकअपमुळे ती नाराज असल्याचे म्हटले जात होते. दरम्यान, खतरों के खिलाडी हा शो मधून शीझान खान पून्हा एकदा प्रेक्षकांच्या भेटीला येणार आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
