Shahrukh Khan: वाढदिवसादिवशीच किंग खान उडवणार 'डंकी' चा बार

Shahrukh Khan: ज्या अभिनेत्याने आपल्या सहज अभिनयाने, दिसण्याने आणि वागण्याने प्रेक्षकांच्या मनावर राज्य केले. गेल्या अनेक वर्षापासून एकापेक्षा एक चित्रपटातून मनोरंजन सृष्टीत आपले महत्वाचे योगदान दिले. भारतात आणि भारताबाहेरही ज्याचे लाखो- करोडो चाहते आहेत तो अभिनेता म्हणजे शाहरुख खान होय.

२ नोव्हेंबरला किंग खान आपला ५८ वा वाढदिवस साजरा करणार आहे. आता शाहरुखने त्याच्या वाढदिवसाची जय्यत तयारी केली आहे. किंग खान आपला वाढदिवस कसा साजरा करणार याची माहीती समोर आली आहे.

शाहरुख खान आणि त्याची मॅनेजर पूजा ददलानी एकत्र बर्थडे पार्टीचे आयोजन करणार असल्याचे बोलले जात आहे. पूजा ददलानीचा 40 वा वाढदिवस 2 नोव्हेंबरला आहे.  शाहरुखने फिल्म इंडस्ट्रीतील प्रत्येक अभिनेता, दिग्दर्शक आणि निर्मात्याला त्याच्या 58 व्या वाढदिवसाच्या पार्टीसाठी आमंत्रित केल्याची माहीती समोर आली आहे.

करण जोहर, आलिया भट्ट, दीपिका पदुकोण, एटली, राजकुमार हिरानी आणि काजोल शाहरुखच्या वाढदिवसाच्या पार्टीत सहभागी होऊ शकतात. सलमान खान( Salman Khan )ही या पार्टीत सहभागी होणार असल्याची चर्चा आहे. शाहरुखची बर्थडे पार्टी बीकेसी, वांद्रे येथे होणार आहे.

यावर्षी म्हणजेच २०२३ ला शाहरुख( Shahrukh Khan )चे दोन चित्रपट पठाण आणि जवान बॉक्स ऑफीसवर ब्लॉकबस्टर ठरले आहेत. आता तो त्याच्या यावर्षीच्या तिसऱ्या मोठा चित्रपट घेऊन येण्यास सज्ज झाला आहे.

त्याच्या डंकी या चित्रपटाचा टीझर त्याच्या वाढदिवसादिवशी रिलिज होणार असून तो त्याच्या चाहत्यासोबत हा टीझर पाहणार असून त्यानंतर तो मन्नत या त्याच्या बंगल्याजवळ आलेल्या त्याच्या चाहत्यांना भेटणार असल्याचे म्हटले जात आहे.