Satyaprem Ki Katha: कार्तिक अन् कियाराचा चित्रपट करणार का 50 कोटी पार?

Kiara Advani: कियारा आणि कार्तिक यांना याआधीदेखील एकत्र काम केले आहे.
Satyaprem Ki Katha
Satyaprem Ki KathaDainik Gomantak

Kiara Advani: बॉलीवूडची लोकप्रिय अभिनेत्री कियारा अडवाणी आणि प्रसिद्ध अभिनेता कार्तिक आर्यन यांची मुख्य भूमिका असलेला चित्रपट 'सत्यप्रेम की कथा' सध्या चर्चेत आहे. लॉकडाऊननंतर बॉलीवूडचे चित्रपट प्रेक्षकांना समाधानी करण्यात अपयशी ठरत होते.

आता मात्र पून्हा चित्रपटांनी जम बसवण्यास सुरुवात केली आहे. सारा अली खान आणि विकी कौशल यांचा जरा हटके जरा बचके या कमी बजेट असणाऱ्या चित्रपटाने बॉक्स ऑफीसवर चांगली कमाई केली होती.

आता कियारा अडवाणी आणि कार्तिक आर्यनच्या चित्रपटानेदेखील हळूहळू का होईना बॉक्स ऑफीसवर 50 कोटींची कमाई केली आहे. समीर विंध्वस यांनी दिग्दर्शन केलेल्या या चित्रपटाने 6 दिवसांत 50 कोटीच्या जवळपास कमाई केल्याचा एक रिपोर्ट समोर आला आहे.

  • भूल-भुलैया 2 मध्ये केले आहे एकत्र काम

कियारा आणि कार्तिक यांना याआधीदेखील एकत्र काम केले आहे. याआधी त्यांनी 'भूल-भुलैया 2' मध्ये सोबत काम केले आहे. 'भूल-भुलैय्या2' ने बॉक्स ऑफीसवर धुमाकुळ घातला होता. हा चित्रपट यशस्वी चित्रपटांपैकी एक मानला जातो. कार्तिक आणि कियाराची जोडीदेखील प्रेक्षकांच्या पसंतीस उतरली होती.

Satyaprem Ki Katha
Shahrukh Khan Accident: अपघातानंतर किंग खान मुंबईत दाखल; व्हिडिओ आला समोर

सध्या कार्तिक आणि कियाराच्या सत्यप्रेम की कथा या चित्रपटाला टक्कर देण्यासाठी चित्रपटगृहात इतर कोणताही चित्रपट नाही. मात्र लवकरच '72 हुरें', 'अजमेर 92' हे बहुप्रतिक्षित चित्रपच 14 जुलैला रिलिज होणार आहे. 'केरला स्टोरीज' आणि 'द काश्मिर फाइल्स ' च्या यशानंतर आता हे चित्रपटदेखील हीट होतील असे म्हटले जात आहे.

दरम्यान, कियाराचा पती आणि बॉलीवूडचा प्रसिद्ध अभिनेता सिद्धार्थ मल्होत्राने चित्रपटाच्या स्क्रिनिंगनंतर कियाराचे कौतुक केले होते. चित्रपटातील सगळ्यांनीच उत्तम काम केले आहे. मात्र कथाच्या पात्राने माझ्या ह्रदयात घर केले आहे.

कियारा तू हे पात्र निवडलेस त्यासाठी मी खूप आनंदी आहे. खोलवर परिणाम करणारे आणि अनेकविध भावनांनी भरलेले हे पात्र असल्याचे सिद्धार्थने म्हटले आहे. तुझे आणि तुझ्या संपूर्ण टीमचे कौतुक आहे,असे सिद्धार्थने सोशल मिडियावर म्हटले होते. 60 कोटी बजेट असलेला हा चित्रपट आणखी किती कमाई करतो हे पाहणे महत्वाचे ठरणार आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com