Samantha Ruth Prabhu: 'मागचे सहा महिने माझ्यासाठी कठीण होते,' असं का म्हणाली संमथा?

Samantha Prabhu: साऊथ इंडस्ट्रीची क्वीन संमथा प्रभूने आपल्या सहज अभिनयाने प्रेक्षकांच्या मनात वेगळे स्थान निर्माण केले आहे. संमथा कधी तिच्या चित्रपटांमुळे तर कधी तिच्या वैयक्तिक आयुष्यामुळे चर्चेत असते.

सध्या मात्र संमथा तिच्या चित्रपटामुळे नाही तर तिच्या सोशल मिडियावरील एका पोस्टमुळे चर्चेत आली आहे. तिने एक पोस्ट करत आपल्या चाहत्यांशी संवाद साधला आहे. संमथाने आपल्या पोस्टमध्ये म्हटले आहे की, गेले सहा महिने माझ्यासाठी खूप कठीण होते.

हा काळ खूप मोठा आणि वाईटसुद्धा होता. मात्र या वाईट दिवसांचा शेवट होत आहे. तिच्या या पोस्टनंतर मात्र चाहत्यांच्या मनात प्रश्नांचे काहूर माजले आहे.

तिच्या आय़ुष्यात असे काय झाले आहे, ती कोणत्या अडचणींचा सामना करत आहे की ती अशाप्रकारची पोस्ट लिहत आहे असे प्रश्न तिचे चाहते विचारताना दिसत आहे.

मिळालेल्या माहीतीनुसार, संमथा एक वर्ष मोठ्या पडद्यापासून दूर राहणार आहे. या काळात तिला फक्त आपल्या आरोग्यावर लक्ष द्यायचे आहे. मायोसिटिसचा इलाज करण्यासाठी ती भर देणार असल्याचे म्हटले जात आहे. यासाठी तिने मेकर्सनी तिला जे पैसे अॅडव्हांस दिले होते ते त्यांना परत दिले आहेत. त्यामुळे ती जेव्हा पुनरागमन करेल तेव्हा ती कोणत्या प्रोजेक्टचा भाग होईल हे पाहणे महत्वाचे ठरणार आहे.

दरम्यान, संमथाने विजय देवराकोंडासोबत खुशी या चित्रपटात काम केले आहे. दोघांचेही चाहते या चित्रपटाची आतुरतेने वाट पाहत आहेत. खुशी चित्रपटाचे दिग्दर्शन शिवा निरवानाने केले असून हा एक रोमॅंटिक चित्रपट आहे.

महत्वाचे म्हणजे शिवा निरवानाने दिग्दर्शन केलेल्या चित्रपटांना आत्तापर्यंत नकारात्मक प्रतिसाद मिळाला आहे. त्यामुळे विजय देवरकोंडा आणि संमथा आपल्या अभिनयाची जादू कायम ठेवणार का हे पाहणे औत्सुक्याचे ठरणार आहे.