Samantha Ruth Prabhu: दाक्षिणात्य अभिनेत्री सामंथा रुथ प्रभू ही लोकप्रिय अभिनेत्रींपैकी एक आहे. अनेक चित्रपटांमधून तिने प्रेक्षकांचे मन जिंकून घेतले आहे. आता अभिनेत्रीने आपल्या आजाराबाबत अपडेट दिली आहे.
सोशल मिडियावर पोस्ट शेअर करत तिने आपण कामावर परतत असल्याचे सांगितले आहे. आजारपणामुळे गेले सात महिने मी बेरोजगार आहे असेदेखील गंमतीने म्हटले आहे. याबरोबरच, आपल्या एका मित्रासोबत हेल्थ पॉडकास्टमध्ये दिसणार असल्याचे म्हटले आहे.
मी या हेल्थ पॉडकास्टसाठी खूप उत्साहित आणि भावनिक आहे. तो पुढील आठवड्यात प्रदर्शित होणार आहे. सामंथाने गेल्या वर्षी खुलासा केला होता की ती ऑटो इम्यून कंडिशन (मायोसिटिस) या आजाराने ग्रस्त आहे. या आजारामुळे स्नायूंमध्ये खूप वेदना होतात. अभिनेत्रीने सांगितले होते की तिच्या डोळ्यात खूप जळजळ आहे. तसेच खूप अशक्तपणा आहे.
36 वर्षीय अभिनेत्रीने गेल्या वर्षी 'सिटाडेल इंडिया' या वेब सीरिजचे शूटिंग पूर्ण केले होते. यात वरुण धवनही मुख्य भूमिकेत आहे. प्रियांका चोप्राच्या वेब सीरिजचा हा हिंदी रिमेक आहे.
सामंथा विजय देवरकोंडासोबत 'कुशी' चित्रपटात दिसली होती. याआधी ती 'शाकुंतलम' चित्रपटात दिसली होती. हे दोन्ही चित्रपट प्रेक्षकांच्या अपेक्षा पूर्ण करू शकले नाहीत. आता तो 'सिटाडेल इंडिया' या वेबसिरीजमध्ये दिसणार आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.