Salman Khan New Look: 'आता बिश्नोई गँग ओळखणार...' भाईजानच्या नव्या लूकवर नेटकऱ्यांची टिप्पणी

Salman Khan New Look: बॉलीवूडचा भाईजान अर्थात सलमान खान नेहमीच चर्चेत असणारा आणि लाडका अभिनेता आहे. आता त्याने पून्हा एकदा सर्वांचे लक्ष वेधून घेतले आहे. सलमान नव्या लूकमध्ये प्रेक्षकांच्या समोर आला आणि त्याने सर्वांनाच थक्क केले आहे.

सलमान खानने सध्या त्याच्या बाल्ड लूकमुळे सर्वांचे लक्ष वेधून घेतले आहे. एका पार्टीदरम्यान त्याचा हा लूक चाहत्यांचा समोर आला आहे. आपल्या लाडक्या अभिनेत्याला अशा अवतारात पाहून अनेकजण हैराण झाल्याचे चित्र सोशल मिडियावर पाहायला मिळत आहे. याबरोबरच अनेकांनी त्याच्या लूकवर मजेशीर कमेंट केल्या आहेत.

• नेटकऱ्यांनी दिल्या हैराण करणाऱ्या प्रतिक्रिया

एका युजरने त्याच्या या नव्या लूकवर कमेंट करत म्हटले आहे की, 'हेयर ट्रांसप्लांटचे काम पूर्ण झाले.' दुसऱ्या एका युजरने म्हटले आहे की, 'सलमानने वीग काढले आहे, ' एक युजर म्हणतो, सलमान आता विचार करत असेल 'बिश्नोई गँगचे लोक मला ओळखू शकणार नाहीत.'

दुसऱ्या एका युजरने म्हटले आहे की, 'सलमान आता म्हातारा दिसत आहे' तर काही नेटकऱ्यांनी त्याच्या लूकला शाहरुखच्या 'जवान' चित्रपटाचे प्रमोशन करण्याची नवीन पद्धत सांगितली आहे. सलमानचे अनेक चाहते मात्र त्याच्या या लूकवर नाराज असल्याचेही दिसून येत आहे.

आतापर्यंत सलमान( Salman Khan)ची हेअरस्टाईल लोकांच्या कुतुहलाचा भाग राहिली आहे. त्याचा 'तेरे नाम' चित्रपटातील लूक चांगलाच प्रसिद्ध झाला होता. त्याच्या अनेक चाहत्यांनी ही हेअरस्टाईल आपलीशी केली होती. मात्र त्याच्या या लूकवर त्याच्या चाहत्यांनी नाराजी व्यक्त केली आहे.

दरम्यान, सलमानचा नवीन लूक त्याच्या नवीन प्रोजेक्टचा भागदेखील असू शकतो असाही अंदाज लावला जात आहे. भाईजानने अलिकडेच बीग बॉसचे शूटिंग पूर्ण केले असून सध्या तो त्याच्या नवीन प्रोजेक्टमध्ये व्यस्त असल्याचे सांगण्यात येत आहे.