मुंबई पोलिसांनी बॉलीवूड अभिनेता सलमान खानला (Salman Khan) गेल्या महिन्यात जीवे मारण्याच्या धमकीच्या प्रकाशात स्व-संरक्षणासाठी बंदुक परवाना जारी केला आहे, जो लॉरेन्स बिश्नोई टोळीने जारी केला होता.
काही दिवसांपूर्वी सलमान खान आणि त्याचे वडील सलीम खान यांना धमक्या मिळाल्या होत्या. यामुळे सलमान खानने मुंबईचे पोलीस आयुक्त विवेक फणसळकर यांची भेट घेऊन शस्त्र परवाना मिळावा यासाठी अर्ज केला होता. त्यानंतर आता मुंबई पोलिसांकडून सलमान खानला शस्त्र परवाना जारी करण्यात आला आहे. सलमान आणि त्यांच्या कुटुंबीयांना जीवे मारण्याची धमकी देणारे पत्र मिळाल्यानंतर सलमानने मुंबई पोलिसांकडे शस्त्र परवान्यासाठी अर्ज केला होता.
सलमानच्या परवान्याला विरोध
दरम्यान, सलमान खानला शस्त्र परवाना न देण्याबाबत ‘संघर्ष’ संघटनेने पोलीस आयुक्त विवेक फणसळकर यांना काही दिवसांपूर्वी पत्र लिहून त्याला शस्त्र परवाना न देण्याची मागणी केली होती. यात सलमानचा यापूर्वी हिट अँड रन प्रकरणापासून ते पत्रकाराशी झालेल्या गैरवर्तनाच्या घटनेपर्यंत गुन्हेगारी रेकॉर्ड असल्याचे सांगण्यात आले होते. त्यामुळे त्याला शस्त्र परवाना देण्यास नकार द्यावा, अशी विनंती करण्यात आली होती.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.