बॉलिवूडचा दबंग अभिनेता सलमान खान आज 57 वा वाढदिवस साजरा करत आहे. तो चित्रपटांमुळे जेवढा चर्चेत असतो तेवढाच वैयक्तिक आयुष्यातील विषयांमुळे देखील चर्चेत असतो. सलमान खान या अद्याप बॅचलर आहे. पण अनेक सौंदर्यवतींच्या प्रेमात तो पडला होता. सलमानचे नाव सर्वच अभिनेत्रींसोबत जोडले गेले पण त्याची कोणाशीही जोडी होऊ शकली नाही. फार कमी लोकांना माहित असेल की सलमान जुही चावलावर एकतर्फी प्रेम करत होता आणि इतकेच नाही तर तो तिच्याशी लग्न करण्यासाठी तिच्या घरी पोहोचला होता.
सलमान खानने एका मुलाखतीदरम्यान सांगितले होते की त्याला जुही चावला खूप आवडते. त्याला तिच्याशी लग्न करायचे होते. लग्नाचा प्रस्ताव घेऊन सलमान जुहीच्या घरी पोहोचला होता. पण अभिनेत्रीच्या वडिलांनी या लग्नाला साफ नकार दिला आणि भाईजानचे मन तुटले. यानंतरही सलमानच्या आयुष्यात अनेक अभिनेत्रींची एन्ट्री झाल्याच्या बातम्या समोर आल्या आहेत. येथे जुही चावलाने 1995 मध्ये जय मेहतासोबत लग्न केले. सलमानचे हे गुपित फार कमी लोकांना माहीत होते. पण जेव्हा त्याने मुलाखतीदरम्यान हा खुलासा केला तेव्हा सर्वांनाच आश्चर्याचा धक्का बसला.
सलमान-जुहीची जोडी रुपेरी पडद्यावर दिसली नाही
जुही चावलाने बॉलिवूडमधील (Bollywood) सर्व मोठ्या कलाकारांसोबत चित्रपट केले आहेत. मग ते आमिर खान, शाहरुख खान, अजय देवगण असोत, पण तिची सलमान खानसोबतची जोडी चित्रपटाच्या पडद्यावर कधीच जमू शकली नाही. योगायोग नाहीतर दोघांना एकत्र काम करायचं नव्हतं, असंच काहीसं, आता या प्रकरणातील सत्य काय आहे हे फक्त जुही चावला आणि सलमान खानच उघडपणे सांगू शकतील.
सलमान खान वयाच्या 57 व्या वर्षीही बॉलिवूडमध्ये आपली जादू पसरवत आहे. त्याचा फिटनेस पाहून त्याच्या वयाचा अंदाज कोणीही लावू शकत नाही. तो लवकरच त्याच्या आगामी 'किसी का भाई किसी की जान' या चित्रपटात मुख्य भूमिकेत दिसणार आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
