अभिनेत्री श्वेता तिवारीचं वादग्रस्त वक्तव्य, हिंदू संघटनांचा संताप

नवी दिल्ली: प्रसिद्ध अभिनेत्री श्वेता तिवारीने (Shweta Tiwari) नुकतेच एक वादग्रस्त वक्तव्य केले, ज्यामुळे हिंदू धर्माच्या लोकांच्या भावना दुखावल्या गेल्या आहेत. तीने आपल्या अंतर्वस्त्राच्या आकाराबाबत एक वक्तव्य केले आणि देवदेवतांचा त्यात उल्लेख केला ज्यामुळे लोक संतापले. या वादग्रस्त विधानाबाबत आता हिंदू संघटनांनी टीकेची झोड उठवली आहे. (Ruckus on Controversial statement of actress Shweta Tiwari Hindu organization)

गृहमंत्र्यांकडे एफआयआरची (FIR) मागणी

या प्रकरणाबाबत संघटनेने मध्य प्रदेशच्या गृहमंत्र्यांकडे श्वेता तिवारी आणि वेब सीरिजच्या दिग्दर्शकाविरुद्ध एफआयआर नोंदवण्याची मागणी केली आहे. श्वेताने आपल्या वक्तव्याबद्दल जनतेची माफी मागावी, अन्यथा हिंदू संघटना (Hindu organization) भोपाळमध्ये (Bhopal) वेब सीरिजचे शूटिंग होऊ देणार नाही, असा इशारा हिंदू संघटनेने दिला आहे.

नेत्याने केले मोठे विधान

अभिनेत्री श्वेता तिवारीच्या वादग्रस्त विधानानंतर हिंदू संघटनेचे हिंदुत्ववादी नेते चंद्रशेखर तिवारी यांनी श्वेता तिवारीवर हिंदूंच्या भावना दुखावण्याचा ठेका घेतल्याचा आरोप केला आहे. त्यांनी गृहमंत्री नरोत्तम मिश्रा यांच्याकडे एफआयआर नोंदवण्याची मागणी केली आहे. भोपाळमध्ये त्यांच्या वेब सीरिजच्या शूटिंगला परवानगी दिली जाणार नाही, असा इशारा हिंदू संघटनेने दिला आहे.

काय आहे प्रकरण

आज बुधवारी श्वेता तिवारी तिच्या आगामी वेब सीरिजच्या घोषणेसाठी भोपाळला पोहोचली होती. जिथे तिने आपल्या संपूर्ण टीमसह पत्रकार परिषदेत भाग घेतला. येथे प्रसारमाध्यमांशी बोलताना श्वेता तिवारीचे वादग्रस्त वक्तव्य समोर आले. श्वेता तिवारी म्हणाली, 'माझ्या ब्रा ची साईज देवच घेत आहेत' तेव्हापासून सोशल मीडियावर श्वेताला फटकारले जात आहे. श्वेता तिवारी आणि रोहित रॉय सारखे सेलिब्रिटी काल भोपाळमध्ये फॅशनशी संबंधित वेब सिरीज 'शो स्टॉपर' (Show Stopper) ची घोषणा करण्यासाठी आले होते. श्वेताने भोपाळमध्ये मीडियासमोर लोकांची मने दुखावणारी ही गोष्ट बोलून स्वत:लाच अडचणीत आणले आहे. यादरम्यान, स्टेजवरील चर्चेत श्वेता तिवारीने गंमतीने हे वादग्रस्त विधान केले होते असेही म्हटले जात आहे.