मनोरंजन विश्वातून एक दुःखद बातमी समोर आली आहे. बंगाली चित्रपटसृष्टीतील प्रसिद्ध आणि ज्येष्ठ अभिनेते प्रदीप मुखर्जी (76) यांचे आज (सोमवारी) निधन झाले आहे. प. बंगालची राजधानी कोलकाता येथील रुग्णालयात सायंकाळी मुखर्जी (Pradip Mukherjee Passed Away) यांनी अखेरचा श्वास घेतला. सत्यजित रे यांच्या 'जन अरण्य' मधील भूमिकेमुळे त्यांना प्रसिद्धी मिळाली.
प्रदीप मुखर्जी यांनी बॉलीवूड अभिनेत्री विद्या बालन (Vidya Balan) आणि अभिनेता अर्जुन रामपाल (Arjun Rampal) यांच्या 'कहानी 2, दुर्गा रानी सिंह' या चित्रपटात डॉ. मैतीची महत्त्वपूर्ण भूमिका साकारली होती. या चित्रपटातील भूमिकेसाठी मुखर्जी यांना प्रशंसाही मिळाली होती.
प्रदीप मुखर्जी यांना फुफ्फुसाच्या संसर्गामुळे 22 ऑगस्ट रोजी रुग्णालयात दाखल करण्यात आले. रविवारपासून त्यांची प्रकृती ढासळू लागली. त्यानंतर त्यांना व्हेंटिलेटरवरही ठेवण्यात आले. अखेर आज त्यांची प्राणज्योत मावळली.
प्रदीप मुखर्जी यांच्या पश्चात त्यांची पत्नी, मुलगा व मुलगी असा परिवार आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.