याड याड! करीना अन् सैफचा 'तो' व्हिडिओ सोशल मीडियावर घालतोय धुमाकूळ

करीना कपूर खान आणि सैफ अली खान यांची जोडी बॉलिवूडमधील टॉप कपल्सपैकी एक आहे. लोकांना ही जोडी केवळ पडद्यावरच नाही तर पडद्याबाहेरही पाहायला आवडते. बॉलिवूडमधील (Bollywood) अनेक चित्रपटांमध्ये काम केलेली ही जोडी आजही चित्रपट निर्मात्यांची पसंती आहे. सध्या पती-पत्नी अनेक प्रोजेक्ट्समध्ये दिसत आहेत. नुकताच करिनाने तिच्या सोशल मीडियावर एक व्हिडिओ (Kareena Kapoor Viral Video) शेअर केला आहे.

या व्हिडिओमध्ये करिना कपूर खानचा (Kareena Kapoor Khan) पती सैफ अली खानही (Saif Ali Khan) आहे. या 35 सेकंदांच्या व्हिडिओमध्ये या दोघांची सुंदर केमिस्ट्री पाहायला मिळत आहे. जिथे करीना खूपच सुंदर दिसून येत आहे. तोच सैफ अली खान त्याच्या खास स्टाइलमध्ये दिसला आहे. हा व्हिडिओ टाटा प्ले अॅड व्हिडिओ आहे जो, मोठ्या प्रमाणावर व्हायरल होत आहे. इतकेच नाही तर यावर रणवीर सिंग (Ranveer Singh) सबा पतौडीसह अनेक बॉलिवूड सेलिब्रिटींच्या मजेशीर कमेंट्सही येत आहेत.

करीना कपूरने टाटा स्कायच्या जाहिरातीचा व्हिडिओ इन्स्टाग्रामवर शेअर केला आहे, हा व्हिडिओ फार मोठा नसला तरी त्याचा प्रभाव खूप मोठा आहे. एकीकडे करीना सैफकडून टाटा स्काय मागताना तिची रागीट शैली दाखवत आहे, तर दुसरीकडे सैफ तिला त्याच्या मजेशीर शैलीत तिला समजावताना दिसत आहे. या व्हिडिओच्या कॅप्शनमध्ये करिनाने एक मजेदार गोष्टही लिहिली आहे की, 'दिल में हुआ और जिंगलाला' 'कारण मी माझ्या 'सैफ स्पेस जी'मध्ये आहे. करीना सेफ ऐवजी सैफ लिहून तिने चांगलाच विनोद निर्माण केला आहे.

करिनाचा हा जाहिरातीचा व्हिडिओ वेगाने व्हायरल होत आहे. तिच्या या व्हिडिओला इंस्टाग्रामवर लाखो व्ह्यूज मिळाले आहेत. तिने पुढे कॅप्शनमध्ये लिहिले की, तुम्हाला माहित आहे का की टाटा स्काय आता टाटा प्ले आहे आणि तुम्हाला नेटफ्लिक्स देखील मिळेल. हॅशटॅग देऊन तुम्ही खेळा, कारण मनोरंजन झालं आणि झिंगालालाही. आणि तेही एकाच सब्सक्रिप्शन मध्ये. टाटा स्कायने आपले नाव बदलले आहे तसेच ग्राहकांसाठी अनेक नवीन गोष्टीही आणल्या आहेत.

करीना कपूर आमिर खानसोबत 'लाल सिंह चड्ढा'मध्ये काम करत आहे. एप्रिलमध्ये हा चित्रपट चित्रपटगृहांमध्ये प्रदर्शित होऊ शकतो. दुसरीकडे सैफ अली खान 'आदिपुरुष'मध्ये प्रभाससोबत लंकेशची भूमिका साकारताना दिसणार आहे.