गर्लफ्रेंड कृतीसाठी पुलकीतने अरेंज केला स्पेशल 'बर्थडे'

भारतीय अभिनेत्री आणि मॉडेल म्हणून प्रामुख्याने कन्नड, हिंदी आणि तेलुगू भाषेतील चित्रपटांमध्ये आपली छाप सोडली, आणि कमी वेळात चाहत्यांच्या मनामध्ये आपली वेगळी ओळख निर्माण करणारी कृती खरबंदाला तिचा बॉयफ्रेंड पुलकीत सम्राट याने एक स्पेशल बर्थडे गिफ्ट दिले आहे.

बॉलिवूड मधील एक बेस्ट लव्हली कपल म्हणून ओळख असलेल्या कृती खरबंदा (Kriti Kharbanda) आणि पुलकीत सम्राट (Pulkit Samrat) काल कृतीच्या वाढदिवसा निमित्त एकत्र आले. अभिनेत्री कृती खरबंदाने काल 32 व्या वर्षात पदार्पण केले आहे.

कृतीने आपला हा वाढदिवस बॉयफ्रेंड पुलकीत सोबत सेलिब्रेट केल्याचे फोटो सोशलमिडीया वरती तुफान व्हायरल होत आहेत. या फोटो मध्ये पुलकीत आणि कृती एकाच ग्लास मध्ये दोन स्ट्रॉ ने पेय पिताना दिसत आहेत. त्यांच्यातील या अजब गजब केमेस्टीने चाहत्यांचे लक्ष वेधुन घेतले आहे.

पुलकितने या फोटोला कॅप्शन देत लिहिले की, 'वाढदिवसाच्या हार्दिक शुभेच्छा माय लव्ह. आयुष्याला गोड आणि आंबट आठवणींमध्ये बदलून कॉकटेल बनवण्याचा मला खरोखर आनंद होतो. असे अनेक क्षण आपल्या आयुष्यात यायचे आहेत'. पुलकीतच्या या मेसेजवर कृतीने, 'पगला! आई लव यू !' असा रिप्लाय केला.

दरवर्षी पुलकित त्याच्या लेडी लव्हचा वाढदिवस अशा प्रकारे खास बनवतो. गेल्या वाढदिवशीही पुलकितने कृतीचे असेच सुंदर फोटो चाहत्यांसोबत शेअर केले होते.