ग्लोबल आयकॉन प्रियांका चोप्रा आणि अभिनेता-गायक निक जोनास सध्या आई-वडिलांच्या भूमिकेत आनंद लुटत आहेत. या पावर जोडप्याने जानेवारी 2022 मध्ये सरोगसीद्वारे त्यांच्या मुलीचे मालती मेरीचे स्वागत केले. प्रियांका आणि निक अनेकदा इन्स्टाग्रामवर त्यांच्या चाहत्यांना आणि फॉलोअर्सना त्यांच्या मुलीची झलक दाखवतात. या सगळ्यात नेहमीप्रमाणे याही वर्षी प्रियांका आणि निकचा दिवाळी सेलिब्रेशन शानदार होता.
निकने दिवाळीच्या सेलिब्रेशनचे फोटो केले शेअर
या प्रेमळ जोडप्याने यावर्षी त्यांची मुलगी मालतीसोबत पहिली दिवाळी साजरी केली. अलीकडेच निक जोनासने त्याच्या अधिकृत इंस्टाग्राम हँडलवर मुलगी आणि पत्नी प्रियंकासोबत दिवाळी साजरी करतानाचा फोटोही त्याच्या चाहत्यांसाठी शेअर केला आहे. फोटोंमध्ये प्रियांका चोप्रा, निक जोनास आणि मालती एकत्र दिवाळी (Diwali) पूजा करताना दिसत आहेत. या खास प्रसंगी तिघेही ऑफ-व्हाइट आउटफिटमध्ये ट्विनिंग करताना दिसत आहेत. मात्र, निकने शेअर केलेल्या फोटोंमध्ये (Photo) मालतीचा चेहरा समोर आलेला नाही. फोटो शेअर करताना, अभिनेता-गायकाने कॅप्शनमध्ये लिहिले की, " माझ्या प्रेमासह खूप सुंदर दिवाळी साजरी. सर्वांना दिवाळीच्या शुभेच्छा."
प्रियांका प्रत्येक भारतीय सण साजरे करते
प्रियांका लग्नानंतर भारतात राहत नाही, परंतु सातासमुद्रापार राहूनही ती प्रत्येक भारतीय सण पूर्ण परंपरेने साजरी करते. त्याचवेळी तिचा पती निक जोनास देखील प्रियांकासोबत प्रत्येक भारतीय सण (Indian Festival) साजरा करतो. हे कपल सोशल मीडियावर (Social Media) आपले फोटो शेअर करत असते.
प्रियांका चोप्रा वर्क फ्रंट
प्रियांका चोप्राकडे अनेक प्रोजेक्ट्स आहेत. स्पाय थ्रिलर सिरीज सिटाडेल आणि इट्स ऑल कमिंग बॅक टू मी या रोमँटिक कॉमेडीमध्ये ती खूप महत्त्वाची भूमिका साकारत आहे. प्रियांका चोप्रा देखील बहुप्रतिक्षित बॉलिवूड चित्रपट 'जी ले जरा'मधून पुनरागमन करत आहे. फरहान अख्तरच्या या प्रोजेक्टमध्ये अभिनेत्री आलिया भट्ट आणि कतरिना कैफ देखील प्रियंकासोबत स्क्रीन शेअर करताना दिसणार आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
