'पोन्नियिन सेलवन 1' हा चित्रपट सध्या सिनेमागृहात चांगलाच धुमाकूळ घालत आहे. मणिरत्नमन या चित्रपटाचे दिग्दर्शन केले आहे. रिलीजच्या दोन दिवसांत या चित्रपटाने बॉक्स ऑफिसवर 150 कोटींची कमाई केली आहे.
'पोन्नियिन सेलवन 1' हा चित्रपट (Movie) 30 सप्टेंबरला सिनेमागृहात रिलीज झाला. जगभरात हा चित्रपट तामिळ, तेलुगू, हिंदी, कन्नड आणि मल्याळम भाषेत रिलीज झाला आहे. रिलीजच्या पहिल्याच दिवशी या चित्रपटाने जगभरात 80 कोटींची कमाई केली होती. तर दुसऱ्या दिवशी 70 कोटींची कमाई केली आहे. त्यामुळे आतापर्यंत या चित्रपटाने जगभरात 150 कोटींची कमाई केली आहे.
'पोन्नियिन सेलवन 1' हा चित्रपट सिनेमागृहात चांगलाच धुमाकूळ घालत आहे. या चित्रपटात विक्रम, जय रवी, कार्थी, तृषा आणि ऐश्वर्या राय बच्चन यांनी मुख्य भूमिका साकारली आहे. तर एआर रहमानने या सिनेमातील गाणी संगीतबद्ध केली आहेत. 'पोन्नियिन सेलवन' हा चित्रपट दोन भागांत रिलीज होणार आहे. 'पोन्नियिन सेलवन'चा दुसरा भाग नऊ महिन्यांनी प्रेक्षकांच्या भेटीला येणार आहे.
दाक्षिणात्य सिनेसृष्टीतील लोकप्रिय दिग्दर्शक मणिरत्नम 'पोन्नियिन सेल्वन' या चित्रपटाच्या माध्यमातून चार वर्षांनी रुपेरी पडद्यावर कमबॅक करत आहे. हा चित्रपट हिंदी, तामिळ, तेलुगू, मल्याळम आणि कन्नड भाषेत रिलीज होणार आहे. 'पोन्नियिन सेल्वन' हा चित्रपट दोन भागांमध्ये रिलीज करण्यात येणार आहे. हा चित्रपट कल्कि यांच्या तमिळ कादंबरीवर आधारित असणार आहे. ही कादंबरी 1995 साली काल्कि यांनी लिहिली आहे. लाइका प्रोडक्शन आणि मद्रास टॉकीजच्या बॅनरखाली या चित्रपटाची निर्मिती करण्यात आली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
