Lalitha Lajmi : गुरुदत्त यांच्या बहीण, ज्येष्ठ चित्रकार ललिता लाजमी यांचे निधन

Lalitha Lajmi: ज्येष्ठ चित्रकार ललिता लाजमी यांनी वयाच्या 90 व्या वर्षी जगाचा निरोप घेतला आहे. त्या एक प्रसिद्ध चित्रकार होत्या. त्यांनी आमिर खानच्या 'तारे जमीन पर' या चित्रपटात काम केले होते.

या चित्रपटात त्यांची खास भूमिका होती. ललिता लाजमी या प्रसिद्ध चित्रकार होत्या. जहांगीर निकोल्सन आर्ट फाऊंडेशनने सोशल मीडियावर एक पोस्ट शेअर करून त्यांच्या निधनाबाबत माहिती दिली आहे.

फाउंडेशनने आपल्या पोस्टमध्ये असे लिहिले की, 'ललिता लाजमी जी यांचे निधन झाल्याची बातमी सांगताना आम्हाला खूप दु:ख होत आहे. त्या एक स्वयंप्रेरित कलाकार होत्या. त्यांना शास्त्रीय नृत्यात खूप रस होता. त्या खूप चांगले जीवन जगल्या व त्यांनी खूप काम देखील केले. त्यांच्या आत्म्याला शांती मिळो.'

प्रसिद्ध कलाकार असण्यासोबतच ललिता जी यांनी बॉलिवूड चित्रपटातही काम केले होते. हा चित्रपट म्हणजे आमिर खानचा 'तारे जमीन पर', जो 2007 साली आला होता.

या चित्रपटात ईशान नावाच्या मुलाची कथा दाखवण्यात आली होती, ज्याला अभ्यासात अजिबात रस नव्हता, आणि आमिर खानने शिक्षकाची भूमिका केली होती.

या चित्रपटाच्या एका शेवटच्या दृश्यात ललिता लाजमीही दिसल्या होत्या. या चित्रपटात त्या शालेय चित्रकला स्पर्धेत पाहुण्या म्हणून दिसल्या होत्या. या चित्रपटातील त्यांची भूमिका छोटी असली तरी खूप खास होती.

सोशल मीडियावर ललिता लाजमी यांच्या निधनाबद्दल शोक व्यक्त करण्यात आला.

'त्या खूप छान महिला आणि संवेदनशील अभिनेत्री होत्या. त्यांच्याकडून मला खूप काही शिकायला मिळाले. त्यांच्या आत्म्याला शांती लाभो. अशा शब्दात एका चाहत्याने शोक व्यक्त केला आहे.

'मी 3 दिवसांपूर्वी त्यांच्या प्रदर्शनाला गेलो होतो.' असे एका चाहत्याने म्हटले आहे.