Nitin Manmohan: निर्माते नितीन मनमोहन यांना हृदयविकाराचा झटका, रुग्णालयात उपचार सुरू

प्रसिध्द सिने-निर्णाते नितीन मनमोहन यांना हृदयविकाराचा झटका आल्याने रुग्णालयात दाखल करण्यात आले आहे. त्यांच्यावर कोकिलाबेन धीरूभाई अंबानी रुग्णालयात उपचार सुरू आहेत. नितीन यांनी 'दस', 'लाडला' आणि 'बोल राधा बोल' सारख्या चित्रपट प्रेक्षकांसाठी निर्मिण केले आहे.

मिळालेल्या माहितीनुसार, नितीन मनमोहन (Nitin Manmohan) यांना व्हेंटिलेटरवर ठेवण्यात आले आहे. त्यांच्यावर उपचार करत असलेल्या डॉक्टरांची टीम त्यांना बरे करण्यासाठी पुर्ण प्रयत्न करत आहे. सध्या त्यांचे कुटुंबीय चिंतेत आहेत. 

नितीन मनमोहन यांना भेटण्यासाठी अक्षय खन्नासह अनेक बॉलिवुड कलाकार देखील रुग्णालयात गेले होते. अक्षय खन्ना यांनी नितीन यांच्यासोबत 'गली गली चोर है', 'दिवांगी' आणि 'सब कुशल मंगल' सारखे अनेक चित्रपट केले आहेत.तसेच त्यांनी अनेक ब्लॉकबस्टर चित्रपटांची निर्मिती केली आहे.